andariegu castrillonense

CAMIN DE SANTIAGU. VERIÑA-SALINAS (2-9-2011)

2011-09-26T21:41:00.000+02:00

Esti fin de selmana los nenos colen a Potes, onde van pasar esos díes faciendo actividaes (piragües,senderismu,..), como escomencipiu de la nueva temporada del club de natación Las Anclas de Castrillón,asina que atalanto que puedu facer esti vienres que toi solu, fasta que la muyer torne del tayu; pues pescancie que meyor ocasión pa facer una andariega bona y que teo abondes ganes de facela, dir dende Xixón a Salinas pel Camin de Santiagu, y pues dichu y fechu, namai colar los nenos, averome fasta l'apeaderu de FEVE'n Salinas, onde garru'l tren,pa dir a Veriña, onde entame la prestosa andiada.

TRAMU 1 . ESTACION DE FEVE DE VERIÑA - MONTEAREO - CIR GUIMARAN-VALLE

"El Carreñu" dexame'n Veriña a esu les 13:00 hores, El Camin de Santiagu, pasa xustu baxu la estación na carretera que va a Avilés

Toi na parroquia xixonesa y el camín sigue pela carreterina, per tres de min bien una pelegrina, asina que voi a esperala, y resulta ser una francesa, que vien andiando dende Santander.

Vamos charrando, mediu inglés, mediu castellán, y dizme que colo sola dende Santander, y que va selequinamente, metantes el ríu Abañu, pasa al lleu nuesu, dando abonda pena, pues baxa contaminau en forma.

Dende equi, el camín entama a xubir selemente a la gueta del Monte Areo, lo que permite ver el complexu d'Arecelor-Mital que tien en Veriña, cola tuberia que lleva'l carbón dende'l Puertu del Musel al parque de carbón siderurxicu, que ye'l que s'emplega pa quemar nes bateries y facer los dixebraos tipos d'aceru.

Les marques tan perbien puestes, nun hai forma de perdeles,asina que primeru el camin va pol Camín Rebosu, pa llueu coyer el Camin Real de Xixón a Guimarán- Valle

Equí el camín tornase mas pindiu, y la raopaza francesa va andiandu mas selemnte que yo, pero vamos xuntos,.Alcontramos otru cruce, Podemos tirar pela carretera riba (hay una flecha mariella), o tirar per onde tal h.itu, que ye'l Camín Real, anque llueu mas riba xuntanse otra vez, pel camín Real vas pente unes cases perguapes.

la verda ye quèsti cachu camin ta pindiu, y la moza quedaseme tres de min, ya mas riba cuando amestanse la caretera col Camin Real,hai una vecina que tien puestu un tenderete palos pelegrinos con agua fresco, ablanes y fruta, con una llibretina pa pongas lu que quieres,paro elli, metantes xintu unes ablanes y do-y un bon tragu l'agua que ta bien buena. Elli la moza dizme que siga al miu rimu que ella va a parar elli un ratin,despidome d'ella

Mas alantre llegase a la cabera casa y la carreterina camuda a pista que xube a Monte Areo,una bona pista que ya riba d'Areo ya casi llana.

Ya riba y pasando los ocalitos apaez el conceyu de Carreñu, y se puede ver los barrios mas altos de la so capital Candás, y el mar Cantábricu

La pista sigue cuasi llana y prontu se agüeya el caseríu de San Pablu, ya tamos en territoriu de Carreñu.

Ya'l final de la mesma, hai una ceneyada de pistas,equí les marque del camin de santiagu indiquen pela pista que sal de frente, pero yo tiro a la mandrecha, pel Camín Real, y que realmente el verdaderu Camin de Santiagu , como mas allantre nos marquen los h.itos, la causa de disvialu per otru llau nun les sei, tal vez pa que pase al lau d'algún dolmen, pues el Monte Areo ye'l conxuntu dolmenicu mas importante d'Asturies, si quereis saber daque mas sobre elo, podies dir a esti enllace,onde ta la ruta que fice pol Monte Areo nun fai un añu.
http://andariegucastrillonense.blogspot.com/2010/04/los-dolmenes-del-monte-areo-cumal-de.html

n'esi enllaz podeis siguir como sigue'l camin fasta El Valle.Ya voi teniendo fame, asi que voi parar nel CIR de Guimarán- Valle a xintar el bocata selemente, onde si fales colos del CIR pueden enseñate l'Aula del Neoliticu

Pues nada, elli con una bona cerveza fresca y pa finar una cafetín con xelu, enllenu'l banduyu, ¡y como me presta!, a la solombra y con una sele pergayolera.

TRAMU 2º: CIR GUIMARÁN - VALLE - TABAZA

Esti cachu'l camín tal vez ye'l mas prestosu de l'andiada de güei y ye que el camin de santiagu va pel valle de Carreñu, pente un paisax rural perguapu, per carreterines y pistes afayaices d'andiar.nami colar del CIR, siguir una carreterina y como non, les indicaciones perfeutes, el camín sigue marcau pal pelegrin de forma estupenda.Asina que dexo la parroquia de Guimarán pa colar a de Valle,; el camín pasa'l llau d'una casa con panera onde hai unos cuantos asturcones (caballu endemicu astur,ya afamau y codiciu pelos anguaños romanos, y que tuvu a puntu d'esmolecer).

El camin sigue y paso al llau del Palaciu de los Diaz Caneja, palacio del sieglu XVII, con capilla, y que dementres la Guerra Civil, sirvio como agospuiu pa los pilotos replublicanos que tenien la so base nel aerodromu de Carreñu

El Palaciu tien una cadarma en forma U alriedor d'un gran patiu, con una melgueru corredor de maera sobre columnes de piedra; y con una capiella dedicada a la Virxen del Carme.

Pal otru llau ta la Ilesia de Santolaya d'El Valle

El camin de santiagu va xubiendo persele,a la gueta'l collain que curiase'l final que ye la cabezalera del valle de Carreñu

Pasando por Los Celleros,el caberu caseriu ya que hai'n Carreñu, pues ya va el siguionte que se alcuentra será ya Tabaza

Sigun xube'l camín les vistes al valle de Carreñu son una maraviella, ¡vaya valle mas guapu!

Ya enllegando'l final del valle, la carreterina camuda a una bona pista y que ya cola pa otru valle de Carreñu, el Valle de Tamón, y apaez el señor de les cumes de toda esta regolada, el Picu Gorfolí, Friera o Tabornea

La pista baxa al valle'n direución a la ilesia de Tamón

La pista fina al llau la ilesia de san Xuan Bautista y amestase cola carretera que dende Tamon y Tabaza va a Serín.Cruz'l riu Tamón, que va a morrer a la Ría d'Avilés

Ya na carretera el Camín de Santiagu, va en direución la glorieta de Tabaza,onde hay que cruzala con cuidadín pues hai que travesar los enllaces a la A-8, con abondo traficu. Dende equí ya voi ver los altos fornos de ENSIDESA, güei Arecelor-Mital, que que queries que vos diga, pa los de comarca de toda la vida ya puede camudar les veces que quiera de nome, que siguiremos llamandola ENSIDESA.

TRAMU 3º: GLORIETA DE TABAZA - HOSPITALILLU D'ENSIDESA (LLARANES)

Buenu dende equí acabose l'encantu, ye con diferencia'l tramu mas feu y mas duru, pues (xixón-Avilésvamos pela carretera fasta Avilés, con algún cachin que metese per alguna cai paralela a la carretera en dalgún pueblu, dir andando por arcen faise duru, el ruidu l'autoví, los coches y caminoes de la carretera y ver solu industries, desanimen al pelegrín, peru en fin ahi que continuar.

La vista ye siempre igual industria y mas industria, en concretu Arecelor y mas Arcelor, dexo el conceyu de Carreñu, pa colar pal de Corvera d'Asturies.

Llego a Tresona, pasu per debaxu la Ilesia de San Vicente cabezalera la parroquia del mesmu nome nel pueblu de San Pelayu, elso toponimu ye d'orixen preselticu, Tre (tres), "onna" (riu), "tres del riu". Paso xunto a la Ermita de San pelayu, del sieglu XVII con remociques del XVIII

Sigo pela AS-18 Xixón-Avilés, pente industries (FERTIBERIA y ArceloMital) y colando polos poblaos que se ficieron p'agodpiar a los trabayaores que vinieron dende tolos llaos d'España a facer la siderurxia y a trabaya n'ella, como Los de Gaxín, Marzaniella y LLaranes. Fasta llegar al crucie de LLaranes, onde ta l'anguañu hospitalille d'Ensidesa.

TRAMU 4º: HOSPITALILLU D'ENSIDESA (LLARANES) - SALINAS

Equí'l camin de Santiagu sigue pela AS-19, y perfeutamente indicau, entra n'Avilés pol Ponte Azud
pa llueu en LLano Ponte, siguir cai riba fasta l'agospiu de pelegrinos d'Avilés, onde fina la etapa dende Xixón, peru yo como voi siguir fasta miu casa'n Salinas, y fartu de carretera tiro pola senda que hai fecha na ría d'Avilés, que ya mas prestosa d'andiar

el paseu la ria aporta fasta'l Centru Niemeyer, lu primeru que vese ye'l resturante que ficieron.

En frente mesmu y nel otru llau la oriella ta "la Grapa", n'acesu que salva les vies de RENFE y FEVE, y da pasu al Niemeyer po la Ponte de San Sebastian, un mirador melgueru sobre tou'l complexu.

El complexu tien cuatru edificaciones: El mirador, que usase como restaurante de cauandu'n cauandu, la Cúpa, onde se fain esposiciones y charlas, l'Audotoriu, palos conciertos y otros eventos culturales, que tien la peculiaridá que'l so escenariu puede tamien dar a l'esterior, y l'edificiu de usos multiples, onde ta'l bar, una peuñena sala de cine, y aules.

Dende'l la esplanada hai una prestosa vista a la Ría d'Avilés. ¡ría', yo mas bien diria el canal d'agua de mar, pues de ría queda bien pocu, un 1%. pues colos muelles, y l'esporpoye industrial ya urbanisticu d'Avilés. la ría camudó a esu a un canal aburriu,y lo pocu que quedaba de la oruiella mandrecha, cola ampliación últama del puertu esmolecio dafechu.

sacome la semeyina de rigor enantes continuar cola mio andariega, ya quedame pocu, pa llegar a Salinas

Asina que crucio la ría per una pontina que da pasu al muelle deportivu, pa dir a Sabugu, onde garraré'l Camin de Santiagu que me aportara a Salinas.L'itinerariu lu encontrareis equí.

http://andariegucastrillonense.blogspot.com/2010/01/riu-raices-ria-daviles-y-camin-de.html

Dempues de tomeme una cervecina na Plaza'l Carbayu de Sabugu, tiro para san Cristobanu, y en La garita alcuentrome con un pelegrin belga, el bigardu vien caminando dende Bruselas¡vaya barbaridá!, lleva mas de 2000 km nes pates.Cola vista de salinas ya abaxu, entrugo-y comu ye que nun se quedó n'Avilés a dormis nel agospìu, pues fasta Soutu LLuiña nun hai agospios, solu ún en san Esteban de Pravia, peru tien que esviase'l camín. dizme que va a dormir con les estrelles como compañeres.En fin dexolu tres y entamu la baxada a Salinas.

Ya solu quedame tirar pa casa, dempues de seis hores y media y 38 kms,nes pates,metante voi atalantando que hai que facer el Camín de santiagu d'Avilés a Uvieu, principal puerta d'entrada de los pelegrinos bretones , que dende Avilés diben a Uvieu a venerar la imaxen de San Salvador y les reliquies de la catedral y llueue a santiagu de Compostela, pues como diz el dichu. "QUIEN VA A SANTIAGU Y DEXA'L SEÑOR, YE COMO AQUEL QUE VISITA'L CRIAU Y DEXA'L SEÑOR".

VAL.LE DE VALDEPILA-CUITU ARBAS- VAL.LE DE L'ABILDUL (L.LACIANA)

2011-09-21T20:33:00.000+02:00

Sigu con les salides pola comarca de L.lacina y esta vez continuamos pal oeste, a los otros dos val.les, los de Valdepila y L'Abidul, cola xubida'l Cuitu Arbas, cumal del conceyu de Cangas del Narcea (otru mas pal burxazu), amás de ser un de los picos que tenía malditos, pues les vegaes que foi siempre a xubilu, tuve que dexalu per asgaya cuases, pero por fortuna, esta vez acompañó y pude quitame esa maldición .
Dexamos los coches nel Ponte Las Cuendias, na carretera que xube dende Caboal.les a L.leitariegus y dende elli garramos la carretera minera que cola xusto en frente

L'entamu nun tirn torga nenguna, pues solu ye siguir la carretera riba'l valle, el día ta perguapu, y ya voi sintiendo qu'esta vegada ye la definita pa tar enriba'l Cuitu Arbás

La carretera va pa les mines a cielu abiertu, que ta la izquierda'l valle pero nosotros dexamos la carretera y garramos la pista que xube fasta la braña de Rudiviel.las, onde hai un chamizu ya'n desusu.

Elli hay una cabana, remocicada, que sirve d'agospiu montañeru, perbien afayaiza, y cusi nueva. dende equí garramos un bon camín que nos xube a un collau que hai ente'l Picu'l Pandu y la Peña Miró

Abaxu dexamos la cabezalera del Val.le Valdepina y la Braña d'El Carbal.lal

Per una bona sienda aportamos al Col.lau de Ful.laqueiru (1.666 m), dende onde vemos onde tuvimos fai unos díes, los picos de Santa Elena y San Miguel, tres d'ellos, acolumbrase la depresión del Puertu Los Zrezales, y a la so drechael Cornón , a la so izquierda el Cogol.lu'l Cebol.leu y Los Raxos.

Ya solu ye siguir agora la columbrera pa dir a la Pena'l Miro, ya na llende con Asturies

Facemos cume (1726 m),y dende él hai una melguera curiada al Cuitu Arbas y el pueblu de L.leitariegus, y onde tamien podemos ver el camin a recorrer dende'l pueblu a la cota mas alta del conceyu de Cangas del Narcea,el Cuitu Arbas,el caberu 2000 m de la Cordolera Cantabrica.Al final la pista que xube dende'l pueblu t'arrequexada la llaguna glacial d'Arbas, la que veremos llueu.

Dende la Pena'l Miro, baxaos a la gueta la pista que pasa per baxu y empobina a L.Leitaruegus.Cabezalera la parroquia de santa Mª o Brañas y capital del conceyu de L.leitariegus de 1821-1931. que foi amestau al de Cangas.Fasta 1879 sos vecinos taben quitaos de fueros y serviciu militar, pol Privilexu de L.leitariegus conceiu en 1326 pol caberu rei lliones Alfonso XI, cokl fin de mantener poblau tan i portante pasu de LLion a l'ocidente astur.

Asina llegamos al pueblu y elli mesmu un panel indica la rura a siguir p'arremangar al Cuitu Arbás.

Que tan frente de la piquiñina ilesia parroquial de Santa María de L.leitariegus o Brañas, remocicada nos años 40 del pasau sieglu, l'estilu tradicional d'esat comarca astur.
La so festivida ye la san Antoniu, nel primer domingu de xunu

Ya solu ye siguir la pista qu'arremanga fasta l'area recreativa qu'hai enantes la l.laguna d'Arbás y dir esfrutando de les vistes.

Pa entamar la Pena Miro

Los puertos y brañaes de L.leitariegus, colos Penones pesllandolu

La pista fina xustu n'area recreativa, dende elli l'acesu a l.laguna ye peatonal, pues tamos metios na reserva Natural Parcial de Cuitu Arbás, y xustu a la l.laguna hai otres mas que'n branu tan seques

Xunto a la l.laguna hai perimportantes turberes, y siendu estes unes de les principales conxuntos de turberes montañoses dobre cubetes glaciares del norte de la Peninsula Iberica, amás de alcontrase elli les moyores comunidaes d'enebru rastreru, alcontrandose solu en llugares especiales de los Pirineos una comunidad tan rica y bayurosa como la que hai equí.

Un pelín enantes de llegar a la l.laguna d'Arbás, hay un senderín a man izquierda, que hai que garrar y que ye'l que xube'l Cuitu Arbás; y ya lu teo ehi, ¿siguira la maldición que teo con esti picu?, yo creo que non y que esta vegada sera la definitiva.Pa ello el camín xube primeru a la Col.lada Fanetina o de La Gobia, que ta a la izquierd'al picu.

Pa baxu queda la l.laguna y L.leitariegus, riba la Pena miro, y pal fondu la l.linde somiedo con L.laciana, el Cocol.lu'l cebol.leu, el Cornín, el Cornón,el Muxiben,...

Y ya tomos nel collau (1840 m ), y solu ye tirar pal picu, pal otru llau queda'l picu La Gobia, per onde pasaremos llueu, pa la torna, asi que solu salvar los mas de 100m de desnivel que queden fasta la cume

Facemos cume, 2002 m, tamos nel cumal de conceyu mas grande d'Asturies Cangas del Narcea, y con ello, una cume que tinía gafiada , la xubí por fin, menuda gayola teo, aun nun me lu creu, costome mas de 25 años tar equí. Pal norte queda Cangas del narcea, y lu que foi l'anguañu conceyu de L.leitariegus, col Puertu, y la capital del angüañu conceyu, Brañas d'Arriba, y los pueblos de Brañas d'Abaxu, y Trescastru, y el valle de Naviegu de camín a Cangas a la gueta del Narcea.

Pal Ocidente, el valle onde ñaz el Narcea, La Veiga'l Palu, La Xerra de Degaña,L'Alcornon de Busmori, pal otru llau, ente los dos el valle de Degaña,y ya les xerres de l Trayietu, El teisu Mular, y Los Ancares, colos picos Miravalles, na llinde d'Asturies y LLion y el Cuilla, ya n'Os Ancares galegos, el picu mas altu d'esta xerra occidental, que dixebra les vertientes al cantabricu y atlantica.

Y ye que dende equí puede curiase toda la cordal cantabricu astur, pues al fial, a lulloñe vese El Cornión, y ya mas pal centru, Ubiña, Los Fontanes,y equí'l llau El Cornón, ¡una maraaviella de curiada montañera,. que sirvioonos pa dir repasando los cumales que tabemos agüeyando

Ya toca tornar pal coche y vamos dir pela cimera a facer unos cuantos picos mas, los tres que se ven na semeya; pa que dende l'ultimu'l Picu rapau, baxaremos a la caretera .

Coloamos per riba la estación d'esquí de L.leitariegus, que ta en territoriu llinosés y qu'agora'l nuevu gobiernu'l Principau quier ampliar pal conceyu de Cangas del Narcea, a ver como comuñen l'espaciu protexiu cola estación d 'esqui.

Dempues de facer cume en todos los picos dende'l caberu Picu 'l Rapau (1889 m), vamos a baxar a pelu gochu al val.le L'Abidul, y garrar la caretera, l'altor de les curves que tan abaxu.

Y ¡vaya baxada mala que pillamos!, un cotoyal d'ordagu, vamos baxando como podemos fasta por fin alcontrar una pista con un depositu d'agues, dende elli nos xuntamos y baxamos per una sendina que nos aporta fasta'l valle y topamos con n'acueductu que leva l'agua al Vil.labrin y Cobal.les, que a primer curiada paez medieval, peru ye modernu.

Ya solu colar a la carretrea y dir fasta'l coche, enantes hai una piquiñina area onde hai fonte. un bon tragiu, refrescanos, y ya el coche a tiru piedra. Paradina'm Piefita de Babia pa la clara y cerveza de bon vezu, y pa casina dempues d'un día montañeru de los mas melgueru.

VAL.LES DE SAN MIGUEL Y ORAL.LU (L.LACIANA)

2011-08-25T23:41:00.000+02:00

Esta vez nos averamos a la comarca l.lacianiega, y a lo so capital Vil.labrín (Villablino), tamos en Lion, pero cualquiera lu diria,ya que tamos en zuna pal.lueza,una parte del antigua Conventum Asturum romano,como diz Dixebra, L.laciana ya Babia asturianas.El plan llera dir fasta'l Cuitu Arbás, pero dimonos cuenta que ye una fartura d'andiar y habría que tornar en tasi, dende L.leitariegos. asina que vamos facer güei los dos primeros valles , pa llueu n'otra ocasión, facer los otros dos que nos separten del Cuitu Arbás.

dempues de tomar el cafetín en Mieres del Camín, onde xuntamonos, tiramos pa Vil.labrín, y xunto a la ilesia de San Miguel de L.laciana

Cruzamos el ríu San Miguel, y vamos a la gueta la carretera minera que xube pel Val.le

Ya cuando l'alcontramos ye solu siguila, y al pocu tenemos una curiada perprestosa de la capital l.lazaniega y de la Xera'l Coutu.

La carretera ye ancha y va xubiendo pel va.lle de San Miguel, y ya entamo a tar fartu d'asfaltu, ando naguando a ver cuando fina pa coyer camin, pero vamos dir per ella bona parte del val.le baxu

Ya por fin fina la carretera na ina , güei esmolecia y ya entamamos a pisar camin , ya solu queda dir a la cabezalera'l valle pa xubir los picos que lu pesllan

Dexamos tres de nos la mina y la braña de San Miguel o de Buxiononte

Pa dir valle riba a la siguiente braña, la de Espeniel.las,on de ya vemos al final de valle un de los cumales que queremos facer güei, El Picu'l Ríu o de San Miguel, a la izquierda'l picu Sulmiru.

El val.le sigue, y ye qu'estos val.les l.lazaniegos son mui llargos, esti de San Miguel tien polo menos 10 kms.LLegamos a les fontes del ríu San Miguel, dende onde hai una premelguera vista del valle del mesmu nome.

Ya solu queda xubir al primer picu de güei, pero en vez de facelu custu pa riba debolamos a la so izquierda a un collau que hai, y asina podemos ver perfeutamente la llaguna de La L.lagunona, el Cornín y el Cornón, ye na fastera d'Asturies.

El Muxiben y Xerra Delgada pal sur col Val.le de Sousas

Pal ocidente el Cuitu Arbas y el Picu Sulmiru, onde llueu iremos

Y pa tierres somedanes, el Cogol.lu'l Cebol.leu y Los Raxos, per onde tuvimos nun fai munchu.

Facemos cume nel Picu'l Riu o de Santa Elena (2018 m), y agora vamos pal Picu San Miguel, pa ello baxamos al col.lau de L.lanzanu.

Y facemos cume (1969 m), onde dexamos nel buzon de cumes la tarxetina montañera de vezu.al fondu el señor de les cumes somedanes , el Cornón.

Equi xintamos daque cosina, y dempues vamos pal ultimu picu que vamos xubir güei el Sulmiru, (1803 m), y ya nos ponemos a baxar al val.le d'Oral.lu, pa tornar per él a Vil.labrín

La baxada faise un pelin pesada pues nun hai caminos , y pente'l piornal, folechos y canchales llegamos a la pista l'altor de Las Brañas de Castrol.lar.

Equí cerque hai una piquiñina area onde hai unes meses y bancos, casi nuevos, y asina que comodamente afitaos vamos a xintar selemente. Pues agora queda baxar una bona bayura de kilometros pel val.le d'Oral.lu fasta Vil.labrín

baxando pela pista colamos per varies brañes, como la de La Vieiga'l Queisu

Asina aportamos al pueblu d'Oral.lu, onde puede vese los restos del anguañu palaciu

Y una bayura importantes d'horros, que nos diz qu'anque tamos el tierres llioneses, esta comarca de L.lacina ye una comarca onde la cultura astur ta llancada fondamente.

Ya solu nos queda unos cuantos kilometros pela carretera fasta Vil.labrín, que se fain muy pesaos, menos mal que tomamos unes bones clares nel chigre'l pueblu,pa refresvar el gargüelu, y asina facer mas llevaderu esto d'andiar pela carretera. dempues d'andiar 26 kms, con un desnivel acumulau de 1067 m n'unes 8 hores de pateo.

TABAYON DEL MONGALLU (24-7-2011)

2011-07-28T15:49:00.000+02:00

Esta vez nos averamos al conceyu Casu, los cuñaos tan pela comarca de Riañu, y quedemos en Tarna pa facer una rutina xuntos, nun mui llarga, afayaiza y prestosa d'andiar. Asi que pescancaindo onde podiamos dir, la mio cuñada dio la idega,la cascada del Tabayón del Mongallu, nel Parque de Reres. Una andiada de nos mas de 8Kms. ida/torna, perbien siñalizada y colando par una fayeu de los mas imponentes d'Asturies.fasta facia pocu, pa dir a la cascada había que pidir permisu, pues cola per una zuna de reserva. El Tabayón del Mongayu ye la cascada de mayor altor qu'hai nel Parque Natural de Redes, ya por so valor natural y paisaxisticu ta declarada de Monumentu Natural.

Quedamos pa xuntanos na Ilesia de San Pedru de Tarna, peru dende Rusecu, ta orbayando, asina que cuando llegamos l'orbayu nun dexaba d'orbayar, pero dempues de atalantar les opciones que podiamos facer, dicidimos, facela, y la cosa salió bien, pues pudimos facela, ensin apenes moyanos.

Pues colos parragües y chubasquedos entamamos a andiar, y xusto a la entrada'l pueblu tal cartel indicador de la ruta, garamos la pista formigonada qu'apora'l cementeriu'l pueblu. nel entamu'l camín vamos pente praos pesllaos de muries, pa metese dafechu nel fermosu fayeu.

El camín va xubiendo pa llueu dir cuasi llaneando, tamien a metá mas o menos la ruta camuda a camín que a pesar de lo que llovió estos díes nun ta muy embarrau y enllamuergau, colo que quitando sitos mui cncretos andiase abondo bien. Colamos peles cabanes de LLinares y tereros, pa alcontar col desviu que xube al LLanu'l Toru, pero non vamos dir, pues nun sabemos como tará'l camín y amás queremos tar en Tarna pa xintar, polo que siguimos camín pel fayeu del Monte Saperu, abeyugu del gallu montés, llobos y osos.

Al colar del fayeu ya vemos la cascada apaecer pente la borrina

Ya dende equi el senderin baxa a la braña de La Campona

onde ya llegamos al Regeru'l Mongallu, que dende'l Cuetu Negru, precipitase formando esta espetacular cascada de mas de 200m d'altura.

Queremos dir fasta la so base, peru'l camín ta un pocu xintau de folechos y cotoyes, y al dir a ver como taba, pille una pingadura d'ordagu, asina que intentamos xubir un pocu, pa alcontar un bon mirador facia la cayida, peru, el camín ye pindiu y ta embarrau, asina que vamos dar la vuelta pa Tarna

Dexamos tras de nos la cascada, y ya en tarna xintamos, pa llueu xubir al puertu a tomar un cafetín, pues si an Tarna pueblu ta frescu, equi riba ta perfriu (12º C), con una borrina y orbayu d'escandalu.

Acabamos el día en La Puebla de Lillo, onde el tiempo ta asgaya meyor, dando'n pasein per una sendina'l llau'l riu.

CABO BUSTO (16-7-2011)

2011-07-21T17:15:00.003+02:00

Otra vez que tornamos por tierres valdesanes, el finxo de guei ye facer la P.R A.S-4, la Ruta a Cabu Bustiu, una ruta que queriamos facer dempues de tar elli, dando'n pasein pol faru, y danos cuanta de los maraviellosos acantilaos y vistes a la costa ocidental astur

Estes semeyines fueron en mayu, cuando por 1ª vez nos aveamos fasta elli, y nos prometimos volver, y asi ficimos. asina que como yo aselaba'l sabadu'l tayu, llamamos a un matrimoniu amigu, que nun lo conocía y nos plantamos elli. La idega yera facer una circular dende Queruas, pero al final quedaron en dos circulares pues los caminos taben xintaos de cotoyes y montes.

Asi que a esu les 10.30 la mañana llegamos a Queruas, aparcando'l coche xunto a la ermita'l pueblu,y entamamos a andar. el primer llugar a onde quedremos dir ye La Punta de Santana

a la cual llegamos ensin problemas y baxo de nos tenemos les primeres vistes de esta impresionante costa, la Playa de Santana, la costa astur fasta Cabu Vidio, coles Puntas de Percebeiros, Islas L.luganonas y La Punta'l Cuernu

Pa llueu dir a La Punta La Osa, qu'embaxu ta la playa de Ponxeo, onde hai una configuración de les roques paecia a la praia das Catredais en Lugo, mas piquiñina, y nun tan afayaizu de baxar y conoceles.Al fondo vese larasa'l cabu, onde queriamos dir andiando, pero'l camín que va pol pinar ta malu d'andiar y al final el mesmu camín tira de nuevu a Queruas.

Pues dempues de unos cuantos arañazos y dalgún nenu coles piernes un pocu llacerias, el camín llevonos de nuevu a Queruas, asi que fuimos a polos coches y nos averamos fasta les escueles de Bustiu, onde aparcamos y elli garramos la P.R AS-4, colamos pal W, y pronto alcontramos una señal, les cuales nos acompañarán tou'l recorriu,; la verdá ye que ta perbien siñalizada.pero nun baxamos a la playa de La Cueva y siguimos a Cabu Bustiu, colando pente un pinar prestosu, y namai colar d'él xube de la mar un olor a ocle carauteristicu, ya tamos nos acantilaos y pronto atopamos el Mirador del Monte del Cabu. Onde les vistes a la costa ocidental son espetaculares, asi como a la montaña valdesana, con L'Estoupu,dominado'l paisaxe.

Les playes de Güelga y Molinos de Barcia, col L'Estoupo peslando l'horizonte

y baxo'l mirador la playa de Bozo

Dempues de que los neos xintasen daque cosa, siguimos camín al cabu y colamos per riba la plya'l Cabu. ¡Menuda zona pa pìllar oricios esti iviernu!.

Fasta que llegamos al cabu, como non, onde tal faru, piquiñín pero perguapu, y como todos güei ensin fareru,. Agora quieren da-y la utilidá de aprovechalu como agospiu rural.

Agora'l camin va llevandonos pente la campiña al llau los cantiles, lo cual dexa que podamos esfrutar d'unes vistes a la costa permelgueres, asi namia , nel otru llau'l cabu tan les playes de baxada'l Vinu y el Sel.lon, al fondu cabu Vidiu, y la xerra de Palancas o Paradiel.la, segun la nomen del llau pixuetu o valdesanu

La senda (perfeutamente siñalizada) aporta agora fasta Punta Arenoso,desde onde vemos abaxo la playa'l Sel.lón, y yo voi atalantando pa min, ¡vaya zuna pa oricios!.

la senda sigue, apaez la punta Corberiños y la punta de La Osa,cola playa de Ponxeo, onde tuvimos enantes na primera parte qu'andiamos dende Queruas. Abaxo la plya de Barl.linas y Val.lino, onde hai unos tueros de piedra afuracaos per mediu, danda-y forma de contrafuertes de las catedrales gótiques.

Los nenos quiren danse un bañu, asi que intento alcontar un camin que nos baxe, alcuentru ún , pero al llegar al cantil, camuda a un senderín malu d'andiar y muy colgau sobre la playa, una pena, pues la playa de Barl.linas ya perguapa y la mar equí ta perbona pa dase un bañu.

Asi que alcontramos un prau prestosu pa xintar, y que los nenos defogasen un pocu, metantes los pas y les mas, falamos de nueses coses. Dempues siguimos camín fasta la punta Corbel.linos, dende onde podemos ver, el camín andau,el faru nun se vei, pues ta tres el pinar.cola Punta Arenosos y les playes de barl.linas y Val.lino.

Ya solu nos queda tornar a Bustiu, y al pueblu llegamos fasta topar cola ermita, onde entrugamos pol chigre'l pueblu, que ta cerque, onde refrescamos el garguelu todos,con unes cerveces , xelaos y refrecos, que sentaos a la solombra la terraza prestonos asgaya.

N'esu llamanos un collaciu, Javi, un ceramista afinacau en la comarca de Burón, que ta na muestra de ceramica de Cuideiru, asi que quedamos con él ellí, pero enantes vamos dir a la Playa'l Silenciu o del Gavieru, pues los nuesos amigos nun la conocen, y si se tercia danos un bañu. Cosa que nun pudu ser pues la mar taba permala.

FOCES DEL ESVA (3-7-2011)

2011-07-08T23:01:00.000+02:00

Ya tenianos ganas de dir toos xuntos a Les Foces del Esva, la cabera vez que tuve per elli, foi face unos tres años, y la pasarela que va pela foz nun taba terminada, quedanban-y unos 300 p'amestar el llau que vien de Tineu col embalse ya nel conceyu Valdés.Asi que namai venir de trabayar de nueche y a pesar le que les previsiones daben lluvia, cargamos los bártulos y colamos p'Agüera,onde vamos a entamar la ruta. El ríu Esva ye l'amestadura de los ríos Navelgas ,Bárcena y Riu Grande nel pueblu d'Ese de Cal.leras nel conceyu Tineu.Dende onde puede facese . Pero nosotros colaremos dende'l llau valdesanu. asina que dempues d'aparcar el coche xunto'l centru d'interpretación, vamos fasta la entrada la pista asfaltada que dende El Sucu, va a Bustil.lu de Paredes, onde ta'l cartel de les P.r-1 y P.R- 2, que nel, nuesu casu sedrá la P.R-2.

Cruzamos la ponte riba l'Esva y selemente vamos andando a Bustiel.lu de Paredes, un pueblin, sitisu na vega, y dende onde se garra'l camín a Las Foces .

Pal otru llu'l riu tal centru d'Interpreación de Las Foces del Esva.

LLegando a Bustiel.lu, ye siguir les indicaciones, que dan una pequeña vuelta pol pueblu, pero si se quier atayar, nel caberu cruce, siguir pela izquierda el camín lleva'lñ mesmu llau, nosotros fuimos pol pueblu y de paso pañamos unes cuantes mmazanes, peres de san Xuan y cirueles, que nos vinieron perbien, pues queremos xintar llueu, de vuelta, eso si taben un pocu verdes.

El camin ye perbuenu, nun ta mui pindiu, y a cachos xube y baxa, pero siempre dentru una biesca prestosa de carbayos, castañales y ablanos, lo que vien perbien, pues fai una bona callor y el sol pica'n pocu

Pasamos pel Faeu, y ya queda xubir fasta El cabanón onde tenemos les primeres vistes de les foces, un desfiladeru d'unos 6 kms escavau n'arenisca, y onde los cantiles lleguen a los 400 m de desnivel,xeoloxicamente son roques del cambricu, predominando les arenisques feldespatiques.

El camín tovia xube'n pocu, fasta'l crucie que dixebra les dos rutes la P.R-1 Xube a Adrau, y la P.R-2 baxa l'Esva, anque ambes amestanse n'ese de cal.leras,resultando una circular perguapa.Pa tras el Picu'l Cantarín, que ye nespolón que fai que l'Esva faiga un meandru y asina forme la vega de Bustiel.lu

Ya a apartir d'equí'l camín entayau na roca y con cachos de pasarela de maera, va baxandonos al ríu. El camín nun ye uniforme sinón que amestanse baxaes y xubidines con rixu que salva la pasarela

Ya tamos arriba y vemos el camín anadau ya metios na Foz, quetien un status especial dientru'l Paisaxe protexiu de La Cuenca'l Esva, y de mayor proteción, Monumentu Natural

Tamien hay cahos onde'l camín estrachase y tien una fuerte caida, colo que hai unes cuerdes puestes que sirven de gavitu pa evitar un mal pasu

Peru prontu vemos la presa, que nos indica que a partir d'agora, garramos la pasarela que escaleres pa riba, escaleres pa baxu y llaneando vamos pel fondo la foz, ya tamos dientr'l cancyu de Tineu.

Ya tamos na orilla l'Esva, a partir d'equi ye un xube-baxa pela pasarela de maera, xunto'l ríu y salvado les zones mas arrequexaes, y siempre'l frescor la biesca.

El Riu Esva, ye'l principal elementu'l paisaxe, a so pasu pela foz, hay asgaya poces, rabiones y rambles. coles orielles abeyugaes d'una biesca de ribera . Nosotros ya vamos curiando les poces que pueden ser bones pal bañu, cuando tornemos, metantes la pasarela de maera xube y baxa'l llau'l riu.
El ríu Esva tamien ye conociu por ser un bon ríu salmoneru y trcheru, anque ya pela foz nun ye cotu presca de salmones , si ye un bon cotu trcheru, allugandose aaqui asgaya pescadores, dafechu'l tuueru la foz ta ocupau pel cotu truechero Restiel.lum, agues riba ta otru el de Paredes, y agues baxu el cotu salmoneru de La L.lanona

La pasarela sigue y ya nel cachu final amestase con camín que dende'l ríu xube p'aportar a Ese de Cal.leras, pero nosotros nun vamos llegar al peublu, queremos comer n'Agüera y entama a cayer unes gotes, asina que damos la vuelta, pero los nenos quieren dase un bañu nel ríu¿qué tal esti sitiu?.

Y ¡vaya si se bañen!, l'agua ta perfría, peru nun los amedrana. peru ¡millagru!, ya levaben un bon cachu refrafiando, y foi bañase y menudu rixu que pillaron, la torna llevaronnos cola llingua fuera, andaben mas depriesa que los Red Bull. asina que pala xinta tabamos n'Agüera, y ya con abondo callor, menos mal que'l chigre d'El Sucu taba abiertu y papa y mama, una bona cerveza bien acutada, y ellos un refrescu xelau. dempues baxu una nozal.bienprestosa, dimos-y a la tortiella y empanada, pa fina pela tardi na playa de san Pedru de Bocamar, o San Pedru la Ribera, con unos bonos baños y tomando'l sol.

MONTE CARQUÉS (19-6-2011)

2011-06-20T16:16:00.000+02:00

¡Vaya mañana que fai!, perguapa, asina que como nun alborecimos demasiado, y tampocu queriamos quedanos en casa, pescaciamos salir la familia, que ya facia tiempu que nun faciemos nada de monte, asina que ¿a onde podiamos dir pa tar en casa pala xinta y lueu pela tardi dir a bañanos a la playa?.

Mirando un llibru que regalaronme fai un par d'años pol día'l pa, "Caminando por Asturias" (156 Rutas de montaña y senderismo, para disfrutar durante tres años) de Victor Villar Remis, y de lescuales ente al familia y los collacios ya llevo 76 feches. Alcontramos una que ta cerquina casa y que va pela zuna sur de la Xerra de Bufarran y La Degollada,y que ye una fastera la mesma que nos quedaba por patear,y a madia mañan nos averamos al pueblu del conceyu de Les Regueres de Premió

¡Menudu callor que fai!. Dexamos el coche nel crucie de la carretera AS-234 con Premió, y xubimos pela carretera'l pueblu, namai entamamos a xubir, curiamos qu'hai asgaya crezales, asina que al pocu que dalguna tien les creces afayaices vamos garrando unes poques pa dir xintando. Al pocu,nun crucie, siguimos a la drecha y llueu n'otru a la izquierda, esta carreterina aportanos fasta La Sienra, onde siguimos pañando creces y mazanes que xintamos permelgueros. Equi dende La Sienra vese perfeutamente'l picu Gorfolí, que pa los de LLanera y Les Regueres nun ye'l de les antenes sinon el el que tamien conocese como Campanal.

. Asina que dende'l sur, la toponimia los picos ye la siguiente: el de la izquierada, el de les antenes, que los avilesinos y castrillonenses conocemos como Gorfolí, ye'l picu Friera o Tabornea, el del mediu el Picu La LLebre, y el de la Drecha, el GORFOLI.

Al final el caseriu la carreterina camuda a pista, que va xubiendo, y el bosque esmolez, colo que cualquier abeyugi¡u a la solombra de los bosquetes d'ocalito ye una gayolada, pues ¡como da'l sol!,

Facemos una primera paradina a beber un pocu, aprovechando la solombra, onde vemos esta guapa imaxe de Premió.

dexamos a la nuesa izquierda'l depositu l'agua, y la pista sigui xubiendo, fasta llegar a una pequeña collada, tamos nel Xuegu Los Bolos, ena mesma base de la xerra de Les Reigaes, un cordal na base' l Cordal de Buferran o Gorfolí.Onde ya curiamos el nuevu parque eolicu de La Degollada.

Prontu alcontramos otru crucie de caminos, onde garramos el de la izquierda, onde tamos nel puntu mas altu'l camín, Monte Corqués (464 m), por equí y nos cercanos montes hay varios túmulos megaliticos, pero ente la falta de siñalización y que'l monte xintolu en forma nun podemos ver nengunu.Agora ya tocanos baxar, atravesamos una portiella,que cola pente n'ocalital

La pista fai curves zarraes curves, baxamos selemente pente la solombra, y de vez en cuando podemos ver el parque eolicu de la Degollada, y el pueblu regueres de La Collada.

Colamos pol Pinar de La Pasada, ya al llau'l ríu Sotu, fasta alcontrar la pista formigonada que xube a Tellegu, y llueu la carretera RE-1 que empobina a Cogollu; nosotros siguimos carretera baxu fasta topar col pueblín de Granda, y llegar a la ilseia de san Xuan de Tresmonte, ilesia del sieglu XIX peru que ta sitiada riba un monesterui del sieglu XI.

Equi mesmu finalizamos la escursión, la familia quedase equí baxu unos crezales y figales, dando-y a la fruta y el menda va corriendo pela caretera fasta Premió,pero enentes saco-y una semeyina a la parroquia de San Xuan de Tresmonte, onde tenemos el coche, torno a per ellos, y elli los encuentro fartos de xintar creces.

Como nun alcontramos un chigre pala cervecina de vezu, vamos pa casa, onde dempues de xintar(pocu pues tabemos un pocu fartucos de mazanes y creces), nos vamos a la playa pa danos un bon chapuzón.

PICU FUENTES Y XERRA L'EYU (AYER)

2011-06-18T14:15:00.000+02:00

Namai colar de trabayar de nueche, en vez de dime pala cama, foime de monte colos collacios del tayu, y nos averamos al conceyu d'Ayer, cola intención (si la bullina nos dexa) de xubir al Picu Fuentes, y llueu tirar rumbu sur pala fastera'l Toneu. Asina que dempues de desayunar en Morea d'Ayer, nos averamos a El Fielato, onde vamos dexar los coches y entamar la ruta de güei.

LLegamos a El Fielato, y,..¡caguminatu!, pesllau de borrina asgaya, peru ya que tamos equí vamos a intantalu

Dempues de garrar agua na fonte, garamos la sendina que nos indica la P.R,y sigún xubimos la borrina mas petada.

El senderín empobinanos a cruciar el pequeñu ponte que cola l'arroyu de Braña Reonda.

Peru la cosa nun meyora, al contrariu zarrase en forma mas, y asi, siguiendo les marques de la P.R atopamos Braña Reonda,tapecia cuasi'n forma pela bullina,elli charramos un ratín col matrimoniu que tan ya de brañeu, (un par de díes na braña y llueu un día'n casa), y asina fasta que baxen les vaques pal pueblu.

A partir d'equi les marques de la P.R, asina que debolamos a man izquierda xubiendo pe les caneles que vamos alcontrando pa dir ganado altor y con suerte mas riba escampla y podemos ver les cumes.

Pocu a pocu vamos dando con canales que nos permiten siguir xubiendo, anque a veces la borrina nun lu pon nada facil, asina que sin separtanos nada vamos a la gueta d'elles.

Al final dimos cola canal afayaiza que xube'l collau que ta baxu'l Picu Fuentes, y la borrina quier quedar per baxo nos, vaya prestosada curiar la llinea de cumal y apaecer el Xerru Blancu.

Y pal otru llau'l Picu Fuentes, el principal finxo de güei, que a pesar de todo vamos facer cume n'él

Sigun xubimos a él, podemos curiar la impresionante barrera natural que ye la cordillera,les ñubes quedense llancaes na Xerra L'Eyu(per elli tornaremos ) y nun son capaces de colala y continuar el so pasu pa LLion,p'Asturies tapecio, pa LLion escamplau. Al fondu la pista d'esqui de Riopinos,col Coll. de Las Agujas, dixebrando los cumales del Toneu (izq) y Peña Agujas (drch).

Facemos cume, tamos a 2022m, hai qu'abrigase y abeyugase,pues hai abondo cutu. Aconceyamonos y xintamos daque cosa.

Pa L'Asturies cismontana romana,el tiempu ta escamplau, el Puertu de Vegarada,y el Valle de Curueñu,tan bien arrequexaos pola cordillera de la borrina qu'hai n'Asturies trasmontana romana.

Agora vamos direución norte,empobinamos facia Los Castillones, una serie de picos de mas de 1900m, y que'l mas altu tien 1970 m, por fortuna el vientu'l sur y la montaña tien bien pesllada la borrina pal llau astur, colo que podemos cumear ensin problemes.

Anque de vez en cuando dalgún busgosu o diañu, abeyugau'n piedra vixila'l nuesu caminar

Vamos pela cimera para dir agora a Los Castillones, una asbiya de picos que queremos facer ; la borrina paez que nos quier tapecer , pero nos dexa continuar

Pa tres de nos queda'l Picu Fuentes, qu'asoleya pente la ñublina.

pelos picos,vamos faciendo cume, fata llegar al mas alto de todos, (1970 m), pente una ñublina tapecia dafechu, colo que elli nun vamos tar mas que'l tiempu necesariu y siguimos dioreución norte pa baxar a ventana Fuentes y facer cume nel pequeñu cumal que ta ehi mesmu (1947 m), y n'esu escamplar en forma y curiamos el camin fechu dende'l Fuentes ,colando por Los Castillones.

En frente de nos tenemos el Picu l'Osu, Peña l'Alba y Les Rubies

Baxu de nos el Ptu de vegarada, col mesón y la bulina llancada na llinde astur-llionesa

Xintamos selemente, y aprovechando qu'agora ta escamplau vamos dir pal Collau'l Toneu, pa llueu dir a Ptu Braña, colo que garramos una sendina que per baxu los picos nos llevará fasta l'altor del Xerru Blancu y cuando llegamos, una muria de bulina paez querer impedir que sigamos andando

El pasu pela cimera tien dalgun pasu complicau onde hai qu'esguilar y garrar en forma peles peñes

Peru anque'l final nos pesla la niebla, nun claru que dura una misguina, apaez el Torres

Y ampobinamos fasta'l siguiente picu La verde,onde facemos cume (1945 m), pero enante llegar nun cumal secundariu a la callor del sol que apaez de vez en cuando y calineta la roca ,alcontramos una vibora de seoane, una de les dos especies de vibóres qu'hai n'Asturies, anque esta'n concretu alcuentrase un pocu alto, pues nun suelen alcontrase a mas de 1.700m

Dende la cume vemos la pista d'esqui de Riopinos

Y ahi ta todavia lo que nos queda de facer de la xerral'Eyu, y unos cuantos picos mas, como Entresierres La LLomba, menos mal que la borrina nun puede colar del cordal y el camin va tar despeyau.

¿Escamplau?,... los coy...., metiose la borrina en forma y nun se ve a cuatru pasos, asina facemos cume en La LLomba (1973 m). ¡caguminatu!

Baxamos a la Collada'l Tombu, onde alcontramos el remonte de la pista homonima

Baxamos a la Collada'l Tombu,onde alcontramos el remonte de la pista del mesmu nome, y ya solu baxar a la Hoya'l Tubu y pela pista colando pela Braña Entresierres, baxar a la Urbanización de San Isidru y nel Ptu Braña, paramos a tomar algo, algunos le cervecina de vezu, otros un refrescu y otru 'n cafetín con gotes. Ya solu nos queda baxar pela carretera a El Fielato, pero namai colar del chigre, baxa la temperatura de sopitu, y hai qu'abrigase, l'entamu Xunu, con forru polar, guantes y gorru, comu'n plenun iviernu ¿vaya curu que fai ! y encima orbayandu.

Dempues de 19 Kms y 1300 m de desnivelñ acumulau, garramos los coches y pa casa.

BARZANALGAS/PENA SOBIA. (Cumal de Proaza)

2011-06-02T22:45:00.000+02:00

Siguimos pela Xerra Sobia, y esta vez vamos a xubir al Barzanalgas o Pena Sobia; un picu al que-y tenía ganes, pues nel finxu propiu personal d'arremangar los 78 cumales de los conceyos astures, esti yera ún que me faltaba, y que amas cada vez que tenía pescanciau dir, atopaba con daque torgues que nun me dexaben, pero esta vez si pudu ser, y otru pal burxazu (ya me queden menos).

Pues dempues de quedar todos xuntos en Proaza, a tomar el cafetín, colamos pa Las Ventas, onde garramos la carretetina qu'esguila'l pueblín de Santa María,vamos selemente xubiendo y pal otru llau'l valle curiamos por onde tuvimos fai unes selmanes, cuandon fuimos a banduxu con la intención de dir a la xerra de Tameza, peru ,en vez d'esu garamos la pinga abultada, colo que ficimos un circuito dende la senda l'Osu a Banduxu y por El Pandiel.lu dir a Bustiel.lu, el cual vemos agora dende l'otru llau'l valle.

Al de Bustiel.lu ta l'otru pueblu proacín, Fabar, y per riba la Xerra de Gradura,separtaos pol Regueru de Valdemoru, hos.., nomase igual que'l pùeblu de Madrid,onde viví 10 años.

Y ehi ta'l finxu principal de güai, la Xerra Sobia dende'l llau proacín,en metá, el mas altor, el Brazanalgas,el cumal del conceyu de Proaza, pa elo vamos dir pela fastera izquierda y atacar la cume dende'l Col.lau Mil.ladoiru

que ye'l que ta a la drecha,riba'l fayeu, y que separta'l tueru de La Sobia de picu Tueracaváu, al cual güei nun xubiremos. Ya nos queda pocu de carretera pues el pueblín de Santa Mía ya ta ehi mesmu.

Elli nel pueblu entrugamos como dir pal Col.lau Mil.ladoiru, y dempues de garar un camín equivocau ,tornamos al pueblu otra vez , onde ya pillamos el camín bonu, que crucia pente un fayeu perguapu, onde les flores de la crezal destaquen ante tantu verdi.

El camin mas riba camuda a seru que nos mete pente'l fayeu, y empobina'l col.lau Mil.ladoiruperu nos permite curiar el del Col.lain y Xerra Col.lada,cola cume del Rebol.losa

Abaxo queden los peublos proacinos del desfiladeru del ríu Teberga, y que mas allantron pasa a ser Peñas Xuntas, Fabar y Bustiel.lu, enes faldes de la xerra de Gradura y Santa María ya na fastera La Sobia, mas al fondo nel siguiente valle alcuentrase Banduxu, y puede agüeyase'l camín que xune esti con Bustiel.lu

Ya Tamos nel Col.lu Mil.ladoiru (1245m), y ya vamos enfilar a la cimera de La Sobia, pa ello vamos dir per baxu esa caliza pa llueu xubir cuasi direutamente a la cume

Pal llau Proaza la bullina sigue llancada, pero ya cuasi na cume, pa Quiros, el valle ta escamplau, y solu les ñubes tapen L'Aramu, pero podemos curiar perfeutamente la Xerra del Gurrión, coles Peñas de Toriezu'n primer planu y tres d'el ya cayendo pa valdemuriu, los picos Contriteiru y Mayor o Gurrión.

Facemos cume, tamos nel cumal de Proaza, el Barzanalgas (1459 m), anque nel buzón de cumes por La Sobia otru finxu llograu,ya queda un menos que xubir,nel horizonte'l Ferreirua ,destaca de los demas picos.

La xerra de Caranga col Cuetu Mar y La Forca,elli fice la primera salida, la muyer y yo en cuanto tornamos de Madrid, nel 2005, abaxu'l pueblu proacin de Caranga ,la puerta a los valles de Quiros y Teberga

Pal norte la Xera de Tameza colos picos La LLoral y Caldoveiru, el primer el cumal del conceyu de Yernes y Tameza, el cual ta ehi llamandome a que lu xuba, pues anta ena llista ensin facer. y Los pueblos de Banduxu, Fabar y Bustiel.lu, abaxu Santa Maria.

El Picu La Siel.la, onde tuvimos l'añu pasau, y La Veiga d'Adentru

Las veigas d'Afuera, camín de la l.laguna de Sobia, equí nos sale un cabritín perdiu, y nos sigue, nun nos dexa, asina que entamamos a mirar sui taba despistau de dalgún rebañu, peru nun hai nada.Asi que'l pobre bichu se vien con nosotros,

Al pocu cola un mastín, tamien solu, asina que los dos siguiendonbos llegamos a la l.laguna de Sobia , onde xintamos, pa llueu baxar pela pista, equí'l cabrtín ta ya frayau d'andiar asina que ente todos nos turnamos pa llevalu a recostinos, paecemos el güelu Heidi o Pedro con bichín, y ya nun hai mas semeyes pues acaboseme la bateria. En El Fitu garramos el camín qu'aporta a Sobrevil.la, onde entrugamos na primera casa si sabien de quien podía ser el dueñu'l cabritu, cola bona fortuna que ye d'un vecin suyu:Ehi lu dexamos y baxamos a Samartín , onde tomamos una clara,y decidimos que facer, si dir en taxi a pelos coches a Las Ventas o dir fasta elli andando por La Snda L'Osu, facemos esto último. Onde dempues de camudanos, garramos los coches y cada ún pala so casa.

LES VIZCARES (5-3-2011)

2011-05-19T20:13:00.001+02:00

Dempues de trabayar de nuechi,quede colos compañeros del tayu pa dir de montaña,y la zuna elexida foi Piloña a facer un circuitu con l'arremangada al picu Vizcares o les Vizcares,que ye'l cumal del conceyu Piloña,la cabera vez que tuve per elli,foi fai cuasi tres años,y,a la baxada'l mesmu perdime y lo pasé permal,pues baxe a tayu cusi 1000m pente cotoyes,escayos y faciendo escalada,esta vez nun pasará lo mesmu,asi que voi a esfrutar d'un día de montaña melgueru.

Dempues del cafetín y pinchu de vezu en L'Infiestu,onde por ciertu taba petaos de montañeros,averamos fasta La Fragua,dende onde entamaremos la salida de güei;dexamos los coches n'una pequeña explanada , y gracies qu'alcontramos porque los sitios mas afayaizos p'aparcar taben cuasi todos ocupaos.

Siguimos la caretera de camín al pueblu de Riofabar

Animaos pol bon tiempu que tenemos y falando sobre nuestres coses,llegamos a Riofabar

Colamos el pueblu y siguimos pela carretera que va fasta La Pesanca

una maraviellosa biesca de carbayos,fayes,castaños,..una maraviellosa biesca de carbayos,fayes,castaños,..

Colamos al llau del area recreativa de La Pesanca,equí la pista cola pala oytra oriella'l ríu, y al pocu alcontramos el mayu de Degoes

Ya tenemos a la vista la Xerra d'Aves onde tan les mayores altures del conceyu de Piloña

Llegamos a un crucie de caminos, nosotros tiramos pela pista a la izquierda y cruzamos el ríu, a la drecha va la pista que aporta fasta Les Foces del Infiernu. Vamos viendo'l Valle del riu Infiernu, y asomes dos cumes señeres de Piloña, El Faceu y El Picu la Ceniza, nel cordal del sellón, per onde va la calzada romana que dende LLion y colando'l Puertu Tarna va a L'Infiestu y a la costa central astur, a Villaviciosa.

La pista fina nel Arroyu de Degoes,que hai que cruzar y garrar ya un camín que nos xubirá fasta'l mayau de Curueñu

ensin danos cuanta entamamos pisar la ñeve, la cual nun nos dexara dementres un bon ratu, por fortuna ta dura y su puede andar ensin problemes. Asina subiendo llegamos al mayau de Curueñu.

¡vaya día guapu que tenemos fai sol,peru nun fai callor abondo, perfeutu p'andiar, les vistes a Los Montes del Infiernu son espectaculares, petaos de ñeve.

El camín cola per riba'l mayau y nos empobinamos facia'l Collau Traslafuente, na llinde'l conceyu Ponga y un bon sitiu pa xubir a Les Vizcares, el Maoñu o dir l'arrequexau y cuasi maxicu pueblu ponguetu de Vallemoru.

El camín cola dientru una carrascal perguapa

Cuando tamos llegando al colau y tirar en forma pa riba, vamos dir fasta Treslafuente, onde elli esperamos pa xuntanos todos, y de paso averame fasta'l mayau de Treslafuente ,pa pañar agua.Atalantamos si xibimos primeru'l Maoñu, peru despues de pescacialu bien, decidimos non intentalu, pues hay asgaya xelu, pa otra vez será.

Asomamonos pa Ponga y el paisaxe pal oriente astur ye de lo mas prestosu, los montes de Ponga,el Cornión, y alla abaxu xunto a la praderina ta llancau Valllemoru, un pueblu que ta abandonau peru que conservase perbien, y onde quieren facer d'él un museu.esu sí losm que lu quieren ver tendrán qu'andiar unes bones hores, pues nun hai carretera y solu una pista avera fasta él.

Aconceyamonos todos y entamamos la xubida'l Vizcares,que ye'l que tal fondu, enantes vamos xubir (pa llueu dir pela cimera el primer a la drecha El Cabezu.

demientres xubimos, la que asgaya montañeros asturianos ye la momntaña por escelencia, el SEÑOR DE LES CUMES, el Tiatordos.

Peru a min particularmente prestame l'afalagadora cume de La LLambria,la cual teo que xubir ensin mas tardar.

Sigun vamos faciendo güella na nieve estes tres belleces, El Tiatordos, La LLambria y el Maoñu

Ya llegamos a la cimera la Xerra d'Aves l'altor del Collau Miradorín (1289 m), y apaez El Cornión al fondo acompañau de los montes y xerres del oriente astur y NE de LLion.

Pal Norte,El Sueve y los conceyos de Nava,Piloña y Parres, tamien en frente les Foces del Ríu Pendón

Ehi ta lu que nos queda por xubir a la cume'l Vizcares, que t'allá allantrón,peru primeru hay que dir a El Cabezu, y la ñeve ya nun ta tan dura y ya cuesta trabayu facer güella.

Enantes siguir ahi que xintar daque cosa pues aun queda asgaya ñeve que pisar

Facemos cume en El Cabezu ( 1369 m) y ya tenemos ehi mesmu'l principal finxo de güei, Les Vizcares, baxar al Collau Cabezu y facer cume.

Facemos cumal, tamos nel techu'l conceyu de Piloña. 1421 m.,tres dexamos El Cabezu, y el Tiatordos, La LLambria, el Maoñu. Peña Ten, Pileñes... en fin el maravillosu Cordal de Ponga y Casu.

Dempues de xintar na cume siguimos ,ahi que tornar a Riofabar, y pa ello vamos dir pela cimera la Xerra d'Aves, y vamos dir primeru al picu La Fonte

Facemos cume (1307 m), y una vista y un fasta prontu a Les Vizcares

Y siguimos a pela 'ultima cume a xubir güei, La Llana Fermosu de 1268m., al fondo La Xerra de Peña Mayor y de Nava, per elli fai tres branos que colamos la familia faciendo la G:R 105, "Ruta de la Reconquista" que dende l'aldega de Cuadonga nel conceyu d'Uvieu, y pela montama aporta a La Cueva de Cuadonga.

Pa baxar a Riofabar, vamos dir pel valle de La Beluga onde garraremos una pista que ensin perdida nos dexará en La Fragua, onde tenemos los coches.

Ya una vez na pista esta baxa per un bosque de los mas prestosu,carbayos, ablanos,castaños,...

La pista nos dexa'l llau'l coche, solu camudanos, dempues de 17 kms y 1200m de desnivel acumulau , una paradina nel Bar Vizcares n'Espinareu, onde cayen les clares de bon vezu.

COGOL.LU'L CEBOL.LEU Y LOS RAXOS (11-5-2011)

2011-05-17T18:07:00.000+02:00

Esti día vamos averanos al Val.le'l Pigüeña, y dende Vil.lar de Vildas, vamos xubir pel val.le pa xubir los picos del Cogol.lu'l cebol.leu y Los Raxos, dos cumes que queden a la drecha'l val.le alto del Pigüeña. Ya persenalmente la cabera vez que tuve per eses cumes foi fai 15 años (que ya fai tiempu). Asina que dempues de amestanos todos y tomar el cafetín de vezu'n Balmonte, aportamos a Vil.lar de Vildas,entamu y final de la salida de güei.

Con orbayu pela costa y bullina elli, entamamos a andiar, esperando que mas riba tea escamplau,pues nun sei como vamos xubir a les cumes, colamos el pueblu pela pista que va a La Pornacal, y ya diva yo gafiando escontra los ñebueros, cuando enantes llegar a La Pornacal ,alcontramos el val.le escamplau ¡menos mal!,con un sol bien prestosu.

La Cresta de Flitina que ñaz nel picu Fanarruionda,per esi val.le, ta la braña de ferbil.lin y la xubida'l miticu L.lagu Bonu, tamos nel entamu'l Bosque de Las Sendas, onde entovía güei viven osos y el perescasu gallu montes, esu zuna nun se puede colar ensin permisu,pues ye una zuna de reserva integral dientru de les dixebraes estayeque ta dividiu'l Parque natural de Somiedo.

LLegamos a la Braña de La Pornacal, la mas afamada y visitada de Somiedo, onde l'estau de conservación ya mas qu'aceutable. Que se puede dicir de La Pornacal, abondes coses, peru a pesar de que abonda xente creye qye ye vaqueira, nun ye asina, y sí tien que ver munchu cola trasumancia de Castiel.la, podría cuntar asgaya coses d'ella,peru lo meyor ye averase a ella,agora qu'entamó'l bon tiempu, y dempues d'un paseu prestosu averase a ella y esfutar del llugar onde ta llancada,amás nun hai que preocupase pel agua, pues tien una bona fonyte con agua prestoso

Aselamos y xintamos daque cosa, y colamos La Pornacal pa siguir pol Val.le'l Pigüeña riba pa dir a Braña Viel.la o Los Cuartos, dende equi'l valle glacial del Pigüela muestrase increyible.La pista va empobinanos primero por Los Praos de La Requexada

Peru enantes atopar la Braña Viel.la,hai que xubir esa morrena glaciar terminal, onde'l pigüeña pa salvala fai una pequeña cascada. piesllando'l val.le, tan Las Peñas del Nunciu y tres el Fontarente.

La Cascada del Pigüeña.

Salvamos esi pequeñu cuetu y entramos nel val.le altu del Pigüeña, onde podemos ver al fondo el Puertu de Los Zreizales , y piesllando'l val.le a la so izquierda'l Xerra Delgada

LLegamos a Braña Viel.la o Los Cuertos (sigun la nomen los de Vil.lar de Vidas o los de La Peral), esta si ye una braña vaqueira, amás les costruciones de cabana de tietu son mas anguañes,ya que equí alcontramos cabanes de planta circular, esta tal vez ye la mas sameyada por todos,ya que riba d'ella ta ún de les cumes de Las Penas del Nunciu.

Otra paradina a beber y aselar y ya tirar pal Puertu Los Zreizales, al fondo Braña Viel.la y per riba'l Mocosu, ún de les cumes mas señeres del conceyu de Somiedo

Tamos enes Fontes del Pigüeña, onde l'amestamientu de asgaya arroyos aconceyanse pa formar el Pigüeña. ya nos queda pocu pal Puertu Los Zreizales.Ehi na llinde de Llión fadremos la xubida'l Cogol.lu'l Cebol.leu.

Metante xubimos a la nuesa izquierda asomen el Cornón (al fondu) , cumal del conceyu de Somiedo y el Cornín. que sigun una anguaña lleenda diz que son los cuernos del diañu

Colamos la braña de La Paradona,güei abandonada y onde solu queden los restos les muries de los abeyugos pal ganau, esta braña ta sitiada nel circu glacial, que llueu l'espardiose y formó'l valle glaciar del Pigüeña.

Ya tamos nel Puertu Los Zreizales, otru descansín, pa entamar la xubida final a los dos finxos de güei, a la izquierda'l Cogol.lu'l Cebol.leu, con un pocu de ñeve entovia y a la drechal'Altu Las Camposas

empobinamos al collau qu'hai ente ambes cumes, y mamai legar ellí un batallón de mosquitos y mosques entama a atacar,¡ caguminatu! nun hai quien pueda dir pela cimera, asina que un pocu mas baxu y ensin esos insetos facemos cume, anque enantes faci los caberos metros, diba quitandome mosques per todo'l cuerpu. Ya tamos na cume'l Cogol.lu'l Cebol.leu (2089 m). Al fondo les Ubiñes, Los Fontanes,La Sobia, Peña Mayor, en fin asgaya xerres pal centru Asturies.

Y como non dexando la tarxetina de cumes nel buzón, un bon vezu montañeru

Metantes la bullina entama a zarrase nel val.le'l Pigüeña,. dende equi puede vese Los cordales de La Serrantina, La Cabra y Peña Manteca, per onde va l'anguañu camín vaqueiru que usaben los vaqueros d'alzada dende loe brañes ivernales a les d'alzada'n Branu

Abaxu'l Puertu de Los Zreizales, onde xubimos y los picos El Cornón, el Cornin y Muxaven

Vamos baxar al collau otra vez,onde nos alcontramos coles mosques,peru mas d'eun centenar d'andolines taben de llerza, menuda fartura taben dandose, curiar ese ataque masivu,foi una gayolada,poques vegaes puede vese una cosa asi. Entamamos la xubida yfacemos cume en L'Altu Las Camposas (2084 m). La cume ye una especie de praera,el Cogol.lu'l cebol.leu dende equi ye un picu espetacular.

Nun tamos abondu tiempu, pues queremos xintar nel collau que tan dempues y dende él xubir a Los Raxos.

Paramos nel collau y xintamos los bocates, metantes dicidimos si vamos xubir a Los raxos y tirar pela cimera pa llueu baxar dafechu a Braña Viel.la o baxar ya, pues les ñubes tan xubiendo y entama a oyese la tronada que vien de LLion. Dicidimos separtanos unos vamos dir a Los Raxos y pela cimera y otros van baxar dende esti collau al valle, quedamos n'alcontranos en Braña Viel.la. Asina que col banduyu forrau, esguilamos pa la cume

Facemos cume. Los Raxos (2025 m), onde hai esti curiosin buzon de cumes.

Nin paramos, solu'l tiempu precisu pa dexar la tarxeta nel buzón, pues tan cayendo unes gotes, la tronada averase en forma, y les ñubes ya tapecen el valle'l Pigüeña y va esguilando a toda h..., asi que a baxar a Braña Viel.la, y dexamos les otres dos cumes que nos queden, asina que ¡calabaza pa baxo rueda!.

Yo creo qu'enxamas sude tanto n'una baxada como n'esta, vaya goterones cayianme pela frente,¡impresionante!,. Enantes les ñubes lo xinten tou dafechu, la cabera agüeyada pal Cornín y el Cornón.

Legamos al valle ya con la bullina zarrandose,fasta les vaques baxaron de los pastos altos a braña Viel.la pa abeyugase de la mesma.

Equi axuntamonos todos y ya pente les ñubes pela pista baxamos primeru a La Pornacal y llueu a Vil.lar de Vildas, onde nel chigre La Pornacal tomamos les clares y cervecines de bon vezu montañeru al finar una escursión tan prestosa como la de güei. Al final fueron 22 kms y un desnivel acumulau de cerque los 1300m.

Picu Piedras y Cascada del Xiblu. (21-1-2011)

2011-02-06T20:03:00.000+01:00

Dende qu'esplubicé la cabera vez,ya colo cunataya,peru esti mes pasau ya fueron un par de salidines colos compañerus del tayu. Esta foi una salida de los mas prestosa,a un conceyu que teo pocu (por nun dicir,cuasi nada andiau) pel conceyu Teberga.

Aportamos al pueblín de la Fociel.la,ena parroquia homonima,pa facer una circular pela que xubiremos al Cordal de La Mesa,ena llinde de Teberga y Somiedu,pa lluegu tornar pela afamada Cascada del Xiblu a La Fociel.la.

Dexamos el coche l'entarda'l pueblu,dende onde entamamos a andiar aen direución al Puertu de Cuevas,.La Fociel.la ta sitiada a1070 m d'altor,pueblin piquiñín y n'iviernu ensin habitantes permanentes tien una bona hestoria.Formo xunto a los puiablos de Paramo Y Vil.la de Sub del Real Privilexiu,concediu por Bermudo III,Rei de LLionen 1033 a Manulfo;nomau Bellido Aureolis,y a los sos descendientes del Páramo de La Fociel.la,de tener "LLibre albrediu d'habitar onde quisieren, ensin pagar a naide,sobre la tierra,feudo nin tributu,sinon solo a Dios Nuestru Señor. Fasta medios del XIX foi xunto a esos dos pueblos nomaos,conceyu independiente col so Ayuntamientu,carcel y escudu.

Hai una bona xelada,peru el día ta de lo mas prestosu asoleyau enforma,asina que entamamos a xubir a Las Brañas de Cuevas,pel Camin Real de Castiella,que sirvia de trashumancia col pueblu babiano de Turrestiu.

La Fociel.la ye ún de los pocos pueblos d'alta montaña que s'alcuentra nun llugar llanu,al llau d'una cubeta onde hai una llaguna d'orixe glacial

Namai entamar a xubir ,al pocu ya curiamos los primeros finxos que vamos facer güei, El Picu del Puertu De Cuevas,y ñevau tres el Piedras

Pal otru llau'l valle. Vil.la de Sub y La Xerra Sobia,col Barriscal como'l picu de mas altor

El Camín Real va a la gueta la foz del Ríu de Cuevas,per onde hai unes prestoses cascaes,abellugaes pente la foresta ivernal.

Pa tres de nos queda una prestosu paisaxe de la Sobia y en primer planu la Pena Vigueras

La vía Trashumante de Babia,nos aporta a la Puertu de Las Cuevas, onde hai algunos corros,costruciones milenaries de les que ya queden poques en bon estau. riba tal Picu'l Puertu y que será la primer cume a facer güei

Pa ellu vamos dar una debolada pel valle pues l'arremangada direuta ye imposible,asina que siguimos pel camin real,dexando abaxu'l Puertu de Cuevas.,esti camin va pel llau izquierdu'l valle

Onde podemos el nacimientu del ríu de Cuevas,que ye esa increyible cascada que ñaz enes praeres del altu'l puertu.

Sigun xubimos ya vemos el Cordal de La Mesa,onde dixebrense les tierres de Somiedu y Teberga,y otros de las dos cumes que vamos xubir,a la drecha,el picu Las Piedras ,y a la izquierda'l Cabarcedín.

Vamos llegar a les praeres altes del Puertu Las Cuevas,xustu baxu la cume de Picu Las Piedras

Ya anfilamos al Collau de Cuevas pa xubir a la cume de la drecha,el Picu Las Cuevas

Facemos cume (1808 m),xustu baxo de nos,La Braña de Cuevas y la Foz del mesmu nome,onde podemos ver tou lu andiau fasta agora dende La Focil.la,pesllando'l paisaxe,la Xerra Sobia y tres la de Tameza.

El Ferreirua,y tres el macizu de Las Ubiñas,(Los Fontanes,Ubiña,Tapinón,..y una bayura de cumes que fain d'esti macizu ún de los mas prestosos y afamaos d'Asturies.

Los Güertos de Diablu,El Panchón,El Ranchón,... y a la izquierda al peslle l'horizonte Picos d'Europa.

Baxamos de nuevu'l Collau de Cuevas y xubimos al picu Las Piedras (1827m),tamos en Cordal de La mesa y abaxu ya tierres somedanes, el L.lanu'l Muñón,el míticu Puertu de La Mesa,por onde entraba la vía mas importante dende domines romanes fasta'l s.XIX a Asturies ,únicu pasu carreteru,fasta la costrución de la carretera'l Puertu Payares,que xunia Asturica Augusta con Gigia,Astorga con Xixón.Los Bígaros son les atalayes que vixilen esti pasu millenariu

L'entamu del valle de Las Partidas,per onde xube la calzada romana y Camin Real dende Turrestiu,y agüeyó la entrada d'abondos exercitos (romanos,arabes,exercitos castellanos pa doblegar a los nobles independestistes astures,franceses ena Guerra de la Independencia,y la ultima una de les columnes de les tropes franquistesena toma d'Asturies en 1937. Otra atalaya vixila esti pasu dende LLion,el Picu Los Corros

Xubimos agora al Cabarcedín (1892 m),y les vistes al Ferreirua son de los mas melgueres,escoltau por Los Fontanes a la drecha y L'Aramu a la izquierda

Ya vamos baxar y entamar la torna a La Fociel.la,pa elos vamos baxar a La Braña de Las Navaliegas

Onde tamien alcontramos les costruciones antiquisimes de los corros

Paramos a xintar a la solanera,onde l'abeyugu la brid¡a xelaora,xintamos nuesos bocates,amestaos con una una bota vinu,qu'el "comandante " trae y que presta asgaya.Ya vien fartos,siguimos la baxada pel camín que cola per riba'l Valle de Catbacedo pa salvar el barranco de La Verde, fai tantu cutu que entovia queden carambanos nel ríu.

El camín que va per riba nos dexa ver abaxu la Cascada del Xiblu,onde queremos dir agora

Pal otru llau'l valle la bisca mas importante de Tebrga,el Monte Grande,un fayeu,anguañu afamau pelos osos que arrequexabanse elli (güei nun queda nengunu),anque ta comprobandose,que van entrando de somiedo al conceyu de Teberga pelos son vieyos territorios,y asina abris un corredor que pueda xunis les poblaciones oseres del la Cordillera ,las del ocidente astur coles ¡que tan sitiaes en Palencia y Riañu.

El camín va baxando,fasta que'alcontramos un crucie onde ensamamos cola P.R 269 y qu'aporta a la cascada del Xiblu y sigue pol Monte Grande,asina que tiramos per elle,pues queremos dir a ver la cascada.

Ya solu ye siguir la pista fasta topanos cola cascada que paez un tueru de xelu,pues anque caye agua nun ye lo abondio pa defacer el xelu de la nueche anterior.

Un detallin del xelu de cascada.ye una cosa que nun sepuede ver tolos los iviernos,que tea tal bayura de xelu,¡increyible!

Ya solu tornar per onde vinimos y siguir pa La Fociel.la,onde llegamos dempues de pasar un día de los mas prestosu.

SALINAS-PICU GORFOLÍ-SALINAS (5-1-2011)

2011-01-06T23:28:00.000+01:00

Ya fai unos cuantos meses que nun espublizo nada,y ye que un acidente de tráficu tuvome nel dique secu,y fasta que nun me recuperé nun antame de nuevu a los mios andariegos pela xeografia astur,y que meyor pa entamar y col añu nuevu recuperar una tradición que ya nun facia dende abondos años,aquellos que tuve viviendo'n Madri, y estos primeos de torna a la tierrina, que tolos 5 de xineru,día'l miu cumpleaños,dir andiando dende la mio casa fasta la cume'l Gorfolí y elli tomame una botellina sidra,pa tener rixu pal añu qu'entama d'escomencipiar,y asino fice.LLegó'l día y bien tempranin cole de casa empobinado facia'l miu oxetivu ,la cume mas señera de la Comarca d'Avilés,El Gorfolí o Friera.

Asiba que bien tempranin,aun de nuechi cole de mio casa'n Salinas,les previsiones yeren per males,pero nun llovia.

Garro la senda fluvial que xune Salinas con Piedrasblancas,y nun soi l'unicu que ta ya andiando a hora tan tempranina

Cola oscuridad,llego a la carretera de La Plata y per ello voi fasta'l cruce cola qque va a El LLordal, elli la primer carreterina que cola a man izquierda,la garro toi nel valle de La Candaliega,sigo la carretera fasta'l final y onde termina,la carreterina camuda a pìsta,sigo per ella,colando baxu'l viaductu de l'autovía'l cantabricu.pa topar la carretra d'El Forcón y Miranda,pero en frente mesmu xube otra carreterina,tira por ella y voi topar el pueblu de Teboyas

onde ya puedo curiar el Gorfolí,xustu cuando entama a alborecer,y ¡sigue sin llover!

Colo pel pueblu,conociu pela panaderia que elli ahi,y qu'en toes les feries y fiestes de llantar asturianes alcontrareis el so tenderín.Empobino pela carretera pa La Cangueta,onde cuando llego L'Altu Barreru,ya alborece en forma y elli teo'l finxu de tomame una botellina sidra,onde les antenes ena cume'l Gorfoli

Elli baxu queda El Cuadru,en Piarnu,y riba Pulide (el pueblo mas altu de Castrilloón) y a la drecha'l Preu del Marques, el cumal de Castrillón.

Dende equí baxo a la carretera y la cruzo pa tirar a Orbón (pueblu ya con raigaños romanos y del Reinu Astur),pa llegar a La LLaguna,dende equi puede vese Taborneda y la pista que pol llau izquierdu xube'l Collau La Mina,pa llueu per un caminin pela llomba a la cume

Dende La Laguna voi al caseriu de Velascu y baxu fasta'l ríu Grande o Casal,onde elli voi pel camín que paralelu'l ríu va La ruta Los Molinos,y cuando el camín dexa'l ríu yo tiro per otru a manu izquierda que cruciando otru ponte y llueu otru a la drecha va a la carretera de Taborneda a Villa per Las Cabanas,equi entama a llover con rixu;ya ena caretera tiro a la drecha en direución a taborneda,onde faigo la primera parada a xintar y beber daque cosa y abeyugame de la que ta callendo.

Y anque sigue lloviendo nun lu fai con tantu rixu,asina que vuelva andar y nel cruce de carretera,tiro pel que indica Friera,fasta topar la indicación de la P.R de la xerra de Bufarran y el Gorfolí,la pista ta formigonada fasta'l Collau de La Mina y se xube ensin problemes,y, un pocu antes hai un perprestosu mirador,onde fina de llover,lu que me permite tar elli un ratín y esfutar de la vista de la comarca.Cola ría como lo mas señeru ya indicativu,la Villa del adelatado de La Florida,el cabu Peñes....

Castrillón,con Piedrasblancas,como nucleu urbanu mas soleyeru,y ena primera endura a la drecha xunto a la costa,Salinas,dende elli cole d'alborecida y llegaré pa la xinta.

Dende'l Collau de La Mina,la ruta va pela pista y ye mas comodo peru mas llarga,y como nun ta lloviendo, garro'l senderín,que me lleva direutamente a la cume

Y faigo cume,¡fai cuasi dos hores (según la mio ma) que ñaci fai ya ... años,y saco la botellina sidra,el vasu y el primer culín a la miu salú con unes vistes como estes. ¿quien puede pedir mas,non?

¿y les vistes del 2ºy 3º culin?

Y con vistes como estes,voi dando-y a la botella sidra,y al bocata xamón,pa terminar con esta particular espicha cumpleañerua fino con unos mazapanes. y ¡VIVA ASTURIES!

Dempues de unes tonaes,hai que dir pescanciando en baxar a Caizuela,pa esu voi dir pelos Cerros de Valbona,dende equi puede curiase la Xerra de Buferran,la de La Degollada, a lo lloñe,el Couriu y la xerra de Viu

El monte Campanal o GORFOLI,esti si ye l'autenticu Gorfoli palos de LLanera.

Xustu riba un de los cerros ,onde fina la pista bona,haiun caminin que baxa y va a la pista que mas baxu me baxa direutamenta a l'area recreativa y la piscina municipal de La Caizuela.

Ya solu xubir a La Caizuela,capital del conceyu d'Illas,onde paro nel chigre a tomar algo y falar col dueñu,pa torna a casa,sigu la carretera de La Llaguna y un pocu dempues hay una pista que cola de frente,la garro y per ella voi dar al ríu Grande,l'altor onde torci enantes pa dir a taborneda,sigo'l cursu ríu fasta Villa,onde ya pela Ruta L'Agua,averome a cerque de les istalaciones d'Embutidos Vallina. Equi llamame la muyer que ta ´n'Avilés y que onde toi que va a por min,pues quedamos elli,onde me pilla y dempues de aseame vamos toda la familia a xintar xuntos a callebrar el miu cumpleaños.

Pela tarde a la Cabalgata de Los Reyes Magos a Piedrasblancas, y a dormir que pal día siguiente sabremos si nos trayen asgaya regalos, porque yo creu que fiu bonu.

LA RUTA DE LA COFRADÍA DEL CORESTEROL (d'Aviles a La Caizuela). 10-10-10

2010-11-05T22:08:00.000+01:00

Bono vaya día mas redondu pa colar 10-10-10.Ya toi con "monu" de facer algo de montaña,pero nun toi mui bien pa dir a empreses mayores (ando un pocu esgonciau),asina que pa quitalu,voi averame fasta La Caizuela,capìtal del conceyu Illas,na mio comarca d'Avilés,un pasein permelgueru y afayaizu,y asina voi a dir conociendo caminos,p'averame a Taborneda,y en cuando seya'l miu "cumple",cellebralu con una caminata dende la mio casa'l Gorfoli.y pa ello voi facer La Ruta'l Coresterol,una ruta que fain cada primer domingu de febreru dende El Parche(la Plaza l'ayuntamientu d'Avilés) al restaurante La Tenada, ena capital Illense, La Cofradía del Coresterol;onde se pon un fartu de xintar bones viandes (pote asturianu,callos,picadillu,ternera,corderu,...)¡una fartura en forma.

Asina que tempranin coyo l'autobús en Salinas y voi p'Avilés,son malpenes les 8:30 la mañan y anque paez que quier llover,nun va cayer un gota'n toa la mañan;baxu nel parque'l Muelle,y entamo la ruta na Cai La Ferreríaonde ta la Ilesia de San Nicolas de La Villa,cuyos tueros tan llancaos nes esmolecies ilesies perromanicos de San Xuan bautista y Sta Maria d'Avilés.Por equi taba la entrada principal a La Villa del puertu d'avilés,que taba sitiau nel entamu la cai, yera la Puerte La mar o Norte y agora ocupau pel Parque'l Muelle.

La ilesia ye de finales sieglu XII,d'estilu romanicu,y la fachada principal nun sofrio cambeos,polo que se puede dicir que ye'l edificiu mas antigu d'avilés,y dientru ta la tumba de Pedru Menendez, Adelantau de La Florida y Capitan Xeneral de l'Armada Invencible ; descubridor de La Florida,,onde funden la primera cuida y mas vieya de los EE.UU San Agustín de La Florida

Al llau ta la Plaza de Carlos Lobo,tamos ya dientru La Villa medieval

Ya solu ye siguir la cai,que'n so entamu foi la Cai Mayor de La Villa,y onde asitiose'l gremiu de Los Ferreros,y que entos entamo a llamase La Ferrería

A meta la cai,alcuentrase'l Palaciu de los Marqueses de Valdecarzana,onde en 1352.Pedro I de Castiella,tuvu vivendo equí,en cuanto Avilés llibrola del sitiu que-y pusu Enrique de Trastamara ente los años 1351-52,siendo l'edificiu civil mas antigu d'Avilés que llegare a los nuesos dies.Ye goticu del sieglu XIV.

La cai la Ferreria ye cusi entera porticada'n semeyanza'l restu de les cais medievales,como Galina y Riveru

La Cai La Ferrería aporta fasta El Parche popularmente conociu pelos avilesinos,La Plaza España,(nonmeclator oficial),onde ta la Ca'l Canceyu o l'Ayuntamientu.Fasta'l sieglu XVII,el gobiernu llocal aconceyabase nel atriu San Nicolás,nuna casa que tinia la Xunta La Ría,qu'emburio na Cai Escura (güei La Fruta),nel incendiu de 1621. En 1670 dicidieron ancarga-y a Marcos Martinez,la fechura d'una nuea ca'l Conceyu. El llugar escoyiu foi ente les puertes de Cimavilla (na cai Escurua) y de La Ferrería,a estramuros y apegau a les muralles. Tardó siete años en costruise y el 22 d'abril de 1677 hebo la primer sesión nesti edificiu d'estilu herrerianu. En 1836 colcoase'l relo,donau pelos señores de Maqua.

Dende El Parche garru la cai de Riberu que yera l'Arrabal de Riberu,dende colaba'l Camín Real a Uvieu,y al so entamu ta'l palaciu de Ponte (o LLano Ponte).Fechu a finales del XVII y ye bien ñidia la influencia arquiteutonica de la Ca'l Conceyu.Guei cines Marta y Maria n'honor al escritor llavianes Armando Palacio valdes,onde se cree que allugó un de les sos noveles ambientaes n'Aviles Marta y María (1883)

Coyo la Cai de Riberu,dende onde colaba'l camín real a Uvieu,polo que tuvu abonda importancia al ser Avilés el puertu d'Uvieu al tar solo a ún día de camín

de Camín Real , pasó a barriu estramuries separtau dafechu de la Villa,pa llueu amestase col desendolque urbanu d'avilés fasta los pueblos avilesinos de La Madalena y La LLuz,tamien como La Ferreria y Galiana ta porticada

Asina fasta atopar la entrada'l Parque de Ferrera,y pulmon de La Villa.,agora lu cruciu a la gueta de la salida a la Avda. de Cervantes

El Parque Ferrera,propieda de Los marqueses de Ferrera foi donau a La Villa nos caberos años de los 70 del pasau sieglu,ya inagurau pel reciente Rey d'españa Juan Carlos I,y que dende'l so entamu ye'l llugar mas soleyeru y preferiu pelos avilesinos pa dar unos bonos paseos,facer deporte o dir colos nenos.un verdaderu luxu pa La Villa.

Colo pela entarada de l'Avenida de cervantes en frente'l colexu Enrique Alonso,y al llau d'el voi andiando pela cai fasta'l parque de La madalena,que lu cruzo y voi a colar a la avd. Alvarez Gendín,al llau'l la piscina de La Madalena,sigo la cai,y doi col l'avenida Leopoldo Alas Clarín,de ehi voi a xubir pa La carriona,y namai cuzar el ponte sobre la variante,cola una cai a la izquierda,la garro,fasta'n crucie,onde hai una siñal de direución prohibida,baxo per elli,fasta L'Arabuya;en frente hai una casa esgonciada que se xube per una pista asfaltada,voi por ella,y enentes llegar hai un camín a la drecha,tiro per él. toy entrando ena biesca mas grande'l conceyu Aviklés,El Bosque de L'Arabuya,el camín xube pente castaños.

Al pocu alcuentro'n seenderín a la drecha que cola del camín principal,tiro per él,toi dientro'l tueru de L'Arabuya,enetes una castañal pergrande y agora solo requexos de castaños queden,pues l'ocalitu ye l'amu

Mas alantre hai otru crucie de senderinos,hai que garrar el de la drecha,que paez que baxa un pocu peru llueu entama a llanear y xubir,esta vez ya pel ocalital.

Ceu atopo a una finca onde hai una radiobaliza del aequpuertu. La dexo a la izquierda y ya caminando pa baxu per una pista asfaltada a la entrada'l pueblín avilesinu de La Carrionina.Nel crucie l'entamu'l pueblu,vase pela carretrina a la drecha,que nos aporta'l final del pueblu.Elli mesmu ta La panera de la Ca polo,la mas vieya'l pueblu.

ya dende equi les vistes a la xerra de Bufarrán,son de lo mas melgueres

dende equi cola'l camín del Vallin,fasta un crucie onde ,garro'l camín d'en frente,dexando l'asfaltu

,que cola pente'l monte y aporta a una ponte riba l'autovía'l cantabricu.

Namai crucialu,voi per una camín que cola a la drecha,desde onde hay una prestosa vista de la parroquia corverana de Villa,col Gorfolí tres del pueblu

Esti camín va dar a una pumarada vieya y esmolecia,toi nel camín Los LLanos, tengo en frente'l pueblu illense de Taborneda,dende onde cola la xubida mas común al Gorfoli.
El camín agora ta ya'n tierres de Corvera d'Asturies,que cola ente ocalitos y bosque autotono,el camín permercau avera fasta El Truebanu,dempues de colar xunto'l depositu d'agua.

pueblín de Corvera que tien asgaya paneres y horros,y cuasi toos decicoraos perprestosos l'estilu carreñu.

.Sigo¡l camín Real d'Avilés a Grau,fasta Ca La Farolera,onde pela carretera a man izquierda nos aporta a Las LLaguna,ya nel conceyu Illas,paso'l llau l'ambulatoriu,que dexo a la drecha pa enfilar la carreterina a Velasco.onde alcuentru esta panera perguapa y melguera¡una maraviella!,ya hai poques así.

l'estilu ye'l mas puru carreñu

y ta ehi dempues de dos sieglos,tan prestosa.

Equi xunto a la panera la carretera fina y camuda a pista y baxa fasta alcontar con una camín xunto a una canal d'un molín,equí,a la izquierda lu sigo y atopo'l Molín de Velasco

Que ta remocicau,y puede curiase perfeutamente les pales que mueven la molienda,esti molín ta dientru la Ruta Los Molinos,que dende La Caizuela cola per parte'l conceyu Illas.

Debolo pa tres y torno fasta'l crucie per onde baxé de Velasco,y ya solu ye siguir,el camín que va un bon cachu xunto la canal del molin fasta la so toma d'agua,per un prestosu bosque de ribera.

Y asina topo'l Riu Velascu,Grande o Casal,depende del pueblu onde entrugues,pues nun hai nome definiu.y atopo'l primer ponte de maera,que lu crucia

el camín sigue pela biesca de ribera,y ente bedules,ablanos,lloreos,castaños,..,p'atopar el 2º ponte

El camin sigue xunto'l ríu,fasta alcontar otra ponte. La ruta de La cofradía'l Coresterol,tira pel camín pa riba,qu'aporta a La Caizuela,pero yo voi tirar pel tercer ponte que crcia'l ríu y sigo camín,que esvariase un pocu de la capital d'Illas,que l'agueyo nel valle,xustu riba ta La reigada,per onde va la caretera de Grau a Avilés ,y a la so izquierda'l Cerru LLinar,el cumal del conceyu de Les Regueres.

El camin empobina fasta la carretera de Tabornea a Villa,asina que solu ye siguila y llegar pa pillar llueu la carretera a La Caizuela,dexo tres de min los barrios de Fonte y Cortina

Y ya ta ehi La caizuela,solu un kilometru pa llegar,asina que llamo a la muyer pa venga a por min y de pasu tomamos una sidrina xuntos.La Caizuela ya la capital del conceyu Illas,un pueblín prestosu y final de la Ruta del Coresterol,onde a'l restaurante La Tenada onde'l xintar ye una bayura de biandes y calida en forma ,el menu ye'l mismu siempre.pote,callos,picadillo,llomu con patates y güevos,corderu,ternera,potres,bona sidra,y chupitos,bono pa pilar una fartura d'ordagu

en El Bruzal,alcuentrase'l Palaciu de Bárcena,del sieglu XVI-XVII

Dientru La Caizuela destaca la Ilesia de San Xulian d'Illas.,qu'anque el so edificiu ye de 1782.ta riba la ilesia que ya paez nomada nel Testamentu d'Alfonso III nel 905,la torre ye del 1821.

Al pocu llega la muyer y el mayor (el pequeta'n casa un collaciu),asina que al final tomamos una cervecina,con unos pinchos de tortiella. y pa casa a la xinta.

la siguiente vez que torne per equi sedra pa xineru,pues ya colos caminos controlaos,voi dir dende la mio casa'n Salinas al Gorfolí,pa llueu pegame cola familia una boa xinta'n La Tenada.

LOS CERRICOS DEL MAYAU DE FIERROS (AYER) (7-9-10)

2010-10-24T16:33:00.000+02:00

Otra vez andiando per tierres ayeranes (y ye que a estos,cuando a los collacuios da-yos per un conceyu,nun paramos). El plan ye xubir al picu Fuentes,nel Cordal de Carroceu,ena Via de La Carisa,pero al final ficimos mas de lo que teniamos planeau,amás esta ye la que seya (esperu que non) la cabera de les mios salides colos collacios del tayu,pues el 9 d'esti mes entama l'horariu escolar, (cole y actividaes estraescolares) y a les cuatru hay que tar ya en casa pa atender a los peques,en fin esperu que dalguna escapadina pueda facer con ellos.

Pues dexamos el coche'n Santibañez de Muries,nel Valle'l Riu Nigru,siguimos la carretera fasta'l final,onde camuda a pista y aporta fasta la Ponte'l Bellu,y que crucia l'arroyu de La Fresnosa,y ya entama la cuesta pindia,onde podemos curiar el pueblu.

La pista sigue xubiendo y podemos ver la cabezalera'l valle del Ríu Nigru,y peslandolo l'Estorbín

Equi vamos dir pela G.R 109,una G.R que crucia toda Asturies pela Cordillera y qua mas riba va xunise cola G.R de la calzada romana de La Carisa.

Sigun xubimos pela pista les vistes al fayeu de la cabazalera'l Ríu Nigru,son cada vez mas prestoses,y nun hai que dir peles fasteres astures p'alcontrar grandes fayeos nel centru astur.

Primera paradina a aselar y aconceyanos todos n'El L.lanu,una terraza perguapa ala valle y siempre l'Estorbin ehi pesllando'l paisaxe.

La pista nos aporta agora fasta'l Mayeu Carnosu.onde podemos curiar otra braña La Palanca y riba a la drecha ta'l finxu de güei el Picu Fuentes.

LLegamos a El L.lanón,onde garramos el Camín del Rasón pa dir a la Braña de Fuentes,que ta ena base'l picu Fuentes( a la drecha)y l'esturbín a la izquierda,ente los dos la xerra'l Cuadru ,con cumes como Los Pisones y Los Barriales

Pero cuando tamos enfilaos a la Braña de Fuentes,camuda'l tiempu y entama a entrar un vientu y unes ñubes que nun daben mui bon sen,pero respereamos que nun dexara xubir al picu ensin problemes.

La Xamoca y Los Picos de La Carba pa Sobrescobiu,Peña Mayor y a fondu El Cornión

El Torres,El Pierzu,el Tiatordos

Llegamos al Collau El Tunelón (1604 m),onde ametanse dos G.R la que viniamos la 109 y 100.1 La Vía de La Carisa

Dende onde vemos la via'l tren a Payares,ya'n tierres l.leneses

y El Cellon o Tres Conceyos ya cuasi nel Puertu Payares

LLegamos a la Braña de Fuentes,dende equi solu ye tirar pa riba

Facemos cume nel Picu Fuentes (1756 m9,esti resulta ser una bona lloma,asina que vamos siguir a los picos que ten mas riba,Morteras o Los Cerricos del Mayau Los Fierros que son una esbiya picos de mas de 1900 m.

Facemos les cumes los cuatru y l'ultimu ye'l mayor altor (1947 m),en frente nos tenemos el Tres Conceyos,cumal de la Xerra de Carroceu,fai'n cutu increyible y no menos el vientu,asina que nos quedamos un cachiín elli,pa ver si amainaba pa poder averanos al Tres Conceyos.

La cosa nun meyora y decidimos baxar,pues nun merecía la pena dir al Tres Conceyos,tal y comu taba'l tiempu,asina que baxamos al Picu Fuentes y pel Cordal vamos al Navadiel.lu.que lu tenemos ehi mesmu,,facemos cume (1692 m)pa lueu baxar al Camín del Rasón pa dir a Santibañez

Ya nel coche la paradina a la clarina de bon vezu'n Muries,que dempues de km,y un desnivel acumulau de unos m n'ochu hores entra per bien nel gargüelu

LA RUTA'L CARES (4-9-10)

2010-10-13T14:59:00.000+02:00

Esta vez vamos dir a facer la que seya una de les rutes señeres d'Asturies y los Pîios d'Europa,la perafamada Senda'l Cares. La verdá que la cosa colo cuasi ensin querer,pues nin teniamos idega de facela,anque ya llevavamos con abondes ganes d'andiala,pero les torgues de ida y vuelta( si vas col coche) non apetez facela.Pero resultó que unos collacios la ficieron y nos informaron que dende fai unos años,hai una llinea d'autobus que dende Uvieu cola a Cangues d'Onís,y dende elli,sigue fasta Posada de Valdeón,pa recoyete pela tarde'n Poncebos.Asina que pa Cangues nos fuimos con unos collacios y facimos la Ruta'l Cares,que dende'l 1989 nun la facia entera (que ya cayó asgaya años).

L'autobus sal a les 10:15 de la mañan da la estación d'autobueses de Cangues d'Onis,pa llegar a Posada a esu les 12 :15-30,y te recueye'n Poncebos a les 19:00 hores la tardi,son siete hores pa facela,que da tiempu ,eso si,si pares sa xintar (de platu) en Cain,vas que tener dir un pocu depriesa,pa nun perdelu ,pues nun espera; nosotros xintamos selemente'l bocata y el xelau de los nenos y el cafetín de vezu'n Cain ,y llegamos a Poncebos a les 18:00,ensin priesa peru ensin pausa.

Pues a esu les 12:15 aportó l'autobus a Posada de Valdeón,paradina pa tomar daque cosa y dir a desfogar con Roca,y sobre les 12:30 entamamos a andiar:Nosotros vamos dir pela pista qu'ena plaza cola a la izquierda,ta per bien marcada y ye mas comoda de dir que pela carretera. Vaya día de callor que fai.Dexamos tres Posada

Y ya'n frente Cordiñanes,y les muries del macizu central,Los Urrieles

El camín sigue fasta'l Mirador del Tombu,onde les curiaes al Los Urrieles son fabuloses

El Mirador del Tombu,y los mas pequeños de la escursión

Dende equí baxamos per un camín fasta la caretera,la cual cruciamos pa coyer otru camín que nos aporta,fasta'l Chorcu Los LLobos,ya dientru'l Monte Corona. El chorco ye una anguaña trampa pa los llobos,qu'en forma d'embudu esguila pel monte pa llueu emburriaos pelos pastores y los mastines lleren llevaos fasta'l final,onde cayien nel pozu y elli lus mataben. La costrución que vese güei ye del sieglu XV.

Equi el se puede dir pala carretera o pel camín qu'averando a la ermita del Monte Corona,onde diz la tradición que foi declau Principe de los Astures Pelayo,dempues de la vitoria de Cuadonga,sigue pela oriella drecha'l Cares.da igual per onde tires pues les montañes tan ehio vixilandote.Pala izquierda El Cornión.

Pala drecha Los Urrieles

Fasta topar el desfiladeru que da entrada'l valle de Caín

No son mas d'un kilometru,peru ye perguapu,y merez sacase una semeya.

Y danos la'afayaibu'l H.ultayu a la entrada a Cain

y que me diciis de ¿La Robiza?

Ya un pocu fartos de carretera y con fame,paramos a da-yos a los bocates,y a tomar unos xelaos los nenos y nosotros un cafetín con xelu,y entamamos a andiar y nos averamos fasta la presa,onde entama la Garganta'l Cares

Entamamos lu que para min ye lu mas guapu'l Cares,los túneles y onde'l ríu paez un cuchiellu,pues hai cachos onde los muries de mas de 1.000 m. d'altor ta apenes separtaos tres metros,cuasi puede tocase,la otra oriella col bastón

Cola calor que fai dir per equi ye perprestosu amás fresquinos.

esti pasu pelos túneles faise curtiu,vase tan bien,los nenos van encantaos

Y ya cuasi tamos al final del mesmu,y !que pena dexalu!

Dexamos tres de nos los tuneles,les fasteres del desfiladeru paecen querer tocase,y puede curiase perfeutamente la erosión del cares sobre la caliza a tayu

El paisax s'abre de sopitu,y en frente la canal de Drobesengos,colos picos Drobesengos a la izquieda y a la decha la Torre del Pamparrosu

La senda sigue pela oriella izquierda'l riu,siempre'l llau la canal que dende Cain va a la central hiroelectrica de Poncebos

Y equí¿amestanse otra vez les muries de caliza?

La sienda sigue xunto la canal d'agua y alcontramos col primer ponte qu'hai que travesar,xunto a La Cuevona

Y como non,paradina a scar la semeyina de vezu

Colamos a la oriella drecha'l Cares,la unica parte que vas andiando per esta fastarea'l riu,onde coles por tuneles piquiñinos que s'agarecen pues ya fai una bona callor

y atopamos el 2º ponte la ruta La ponte Bolín,onde se curia una de les curiaes mas prestoses y allucinates la ruta,el Cares ta 300m mas baxu,y claru todos paramos a mirar la cayia

La Ponte'l Bolín ta la llinde ente Asturies y LLion,agora tamos entrando'n tierres astures y dexamnos tres de nos la tierra hermana de Llión

La Canal de La Raiz y Los Cuetos del Trave

Otra vez paez que los separtaos macizos de Picos paecen que quieren xunise,peru'l tayu'l Cares ye como una navaya ena caliza

Y ahi ta la sienda pela que vamos dir a la gueta Poncebos

y abaxu la Oontina de Sabugu

Dempues de colar Culiembru,la sienda ye un pasein de lo mas prestosu,solu que nun hai agua onde siempre suele habela y tuvimos que metenos per una canal pa dir a la so gueta y pillala bien riba

Vamos andiando ya con mas rixu dempues de beber,sobre tou los nenos que taben sedientos (y los mayores tamien),y ya nos queda pocu pa llegar,una curiadina pa tres,onde podemos ver el tayu erosivu del Cares enos Picos

Un ñeru d'avión roqueru común,onde les cries tan ya per grandes y glayando pa que-yos den de xintar,equi quedamos un cachín ,pues tabemos todos bien prestosos curiando tan de cerque esta especie que cria enos cantiles mas escarabayaos,y velos asina ye una cosa de los mas rara.

Y ya vemos la xubida a Los Collaos,lu que nos diz que ya tamos cerque Poncebos,solu xubir y llueu baxar,y vamos perbien de tiempu,asina que vamos dir ma selemente pa que nos se-yos empapice la xubida a los nenos y los pas y mas.

Ya tamos arriba y ya solu ye baxar a Poncebos,los nenos ya van refarfiando,tan cansaos de tantos kms,y atalantar que ya queda pocu ponlos mas nerviosos,metante baxamos la cume l'Urriellu columbra riba les demas

Ya baxamos y nos fuimos al chigre a referescar el garguelu,dempues de seis hores y 21 kms,lu logramos tamos en PONCEBOS, ¡ficimos la Ruta'l Cares!. y los nenos dempues de tomar daque cosa tan frescos como enates andiar. Coyemos l'autobus a les 19:00 hores y pa cangues d'Onís onde dempues de camudanos quedamos a cenar y pellar un día de los mas prestosu

SENDA COSTERA DE LA ISLA A LA PLAYA DE LA GRIEGA. (28-8-10)

2010-09-28T15:05:00.000+02:00

Esti domingu,col día que facia nun dibamos a quedanos en casa,asina que nos averamos otra vez al conceyu de Colunga,que tanto nos presta dir,pues ye ún de los lluagres onde la montaña y la mar amestanse d'una forma permelguera y maraviellosa.Pero enantes vamos a pasar la mañan a San Xustu,en tierres malayes:vamos dir a la Fina El Malaín;esta ye una finca d'unos dos hcts,petada de frutales,onde nosotros mesmos podemos recoyer direutamente la fruta que vayamos pañar,tien miruendanos,mores,...,toes elles de cultivu ecoloxicu.

Llegamos elli y por dos euros cada cestina,vamos pañando los frutos,que por la poca son mores,miruendanos y dalguna grosella,amás de dir xintando lu que quieras (esu si ensin garrar una fartura)

Dempues de garrar cuasi dos kilos,mercamos dos xelaos fechos por los de la fina caseros,de grosella y miruendanos,que taben pa morrer de placer,¡que ricos!,enxamás xintamos unos asina,bocatto di cardenali;que llueu en casa ficimos la mermelada que facemos toos los años,y tamien como nos dixo la muyer,el xelau,y saliones muiricu,pero non tantu como los que fai ella.

Xintamos en La Venta Les Ranes y nos fuimos a La Isla,a facer la sienda costera que va a La Griega,dexamos el coche xuntu l'agospiu de pelegrinos,que ta na parte alta'l pueblu,y entamaos a andiar,pela P.R AS-134

Ya solu ye siguir les señes de la P.R,n'esti primer cachu,el camín va pelos praos al borde'l cantil.

Pa tres ¿onde ta'l Sueve?

Pero pa la costa el cielu ta escamplau,y a lo lloñe laLa vega ya'n Ribeseya,y Peña Blanca asoma, asi como la llinea de la Xerra'l Fitu

Punta Misiera y LLastres,

El camin sigue paralelu a la costa y ya tamos cerque del pueblu colungues de Güerres

Siguimos fasta topar con un crucie, pa la drecha sigue la P.R a Güerres, San Xuan de Duz,y pela oriella del riu baxar a La Griega,y a la drecha una pista que pelos cantiles y llueu pel monte nos aporta a las güelles de los dinosaurios,ena mesma playa. Nosotros dicidimos dir per esta última,que la pista llega un momentu que pasa a tar pindia,pa xubir pente n'ocalital. y nos da esta prestosa suriada de la costa dende Gúerres a Ribeseya,con el Cuera'l fondu.

Nun hai que colar del camín,riba'l tuo,siguimos pela drecha,y ya ye solu baxar fasta La Griega. LLastres lu tenemos en frente.

Y ya tamos enes güelles de La Griega,onde les ignites,son peragüeyables,destacando les de los dinosaurios,paecios a plesiosaurios,que son de les güelles mas grandes d'Europa fasta agora alcontraes.

Per toda la playa hai mas pero la marea alta nun dexa veles,asina que vamos tornar a La Isla,ya entama a tapecer y facer un pocu cutu a la solombra.

A la torna,hai que volvr a xubir y ya riba podemos ver el MUJA,el Museu Xurasicu d'Asturies,de que nosotros somos visitantes asiduos,pues a los nenos presta-yos abondo dir

Ya solu ye desandiar el camin fechu y tornar a La Isla

El TEIDE. (3717 m).Cumal d'España.

2010-09-27T13:53:00.000+02:00

Como ayeri nun pudimos xubir al Teide,tuvimos falando si tornar pal día siguiente,y facer lu que teniamos atanlatau,ellos xubir nel telefericu y yo andando,pero los nenos ya taben un pocu fartos d'escursiones y querien dir a un parque acuaticu:. Asina que dempues de falar quedamos que mama,y los nenos se diben pal parque acuaticu,y yo al Teide. Asina que a esu les 8:00 la mañan,aporte l'aparcamientu de Montaña Blanca,dende cola la ruta mas conocia pa xubilu.

Pon 5 hores y media,pero yo creo que ye de xubir y baxar,pues en tres hores taba ya na cume'l Teide,y yendo selequino. La mñanani ta de lo mas afayaiza p'andiar,una bona temperatura (15ºC),y la pista nun tien problemes,elli riba tal finxu de güei,y que ayeri resistiose a que lu xubiere,Lo mas prestosu de tou ye la bayura de colores calidos,que voi dir curiando,de marrones,mariellos,naranxes,prietos,... una esbiya increyible.

La pista va ganando altor selequinamente,lu que fai permelgueru dir ciriando'l paisax,onde los collores son los reis.p'atras el Alto de Guajara.

La pista empobina a Montaña Blanca,un bon toponimu,pues les cenices y roques volcaniques ante tanto color ,de verdá paez blanca

La zuna norte del P.Nacional,col obsrvatoriu astronomicu del Teide al fondo

Un curiadina p'atrás pa ver lu que llevo andao,per equi ta la poca vexetación (cuasi nula ) que se puede ver en toda la ruta

La Fortaleza.onde dende Montaña Blanca cola otro senderu del P.N

La Isla de La Palma.apaez de sopitu.

La pista agora entama a ponese mas pindia,y entra nun campu de bombes volcaniques,grandes tueros basalticos,de la ultima erupción del Teide,y una pergrande siñala qu'entramos n'esta fastera increyible la ruta

Una colada de llava va a la nuesa gueta

La pista crucia pente'l campu de bombes volcaniques

La pista aporta fasta'l final de la colada llava que se curia anteriormente.

la pista fina.y dende equi entama lo mas duru la xubida,ya que agora ye cuando ganes altor dafechu,la pista camuda a un camin,bien marcao,y sin torgues pa seguilo

selemente voi xubiendo,y el camín ambutes vegaes cola pente les collaoe de llava prietes

Fata atopar col agospiu.

Equi paro a aselar un momentin,onde xinto daque cosa,y sigo camin,dexando abaxo l'agospiu y Montaña Blanca,abaxu'kl tou,que ye onde cole l'andiar.

El camin xube pente la llava

Y ya al pocu apaez la cume'l Teide

Y ya taoi cuasi en La Rambleta,y atopo un de los caminos que lleven a un mirador,ya solu me queden los caberos metros pa facer cume

Voi fasta èl,y apaez enta prestosa vista de la isla y el mar de ñubes que la separten de les demas, en frente la isla de La Palma

Voime fasta La Rambleta,onde ta'l telefericu,y onde cola la cabera xubida,la cume'l Teide

Dempues de presentar el permisu,entamu los caberos metros,ya tengo ehi los 3.717 m del teide. La cume de Canarias y d'España

Y ya toi ena cume'l Teide 3717 m,un suañu fechu realidá,y el picu mas altu que fasta agora xubí (esperu que los haya mas altos),toi tan contentu que lu que primeru faigu ye llamar a la muyer y los nenos pa dici-yos que toi arriba,la xubida dende Montaña Blanca malpenes unpocu mas de tres hores.eli quedome un bon ratu esfutando'l paisaxe,peru un mar de ñubes nun dexa ver toes les isles

Les fumaroles,del teide,que demuestren que'l Teide ye aun un volcan activu y vivu y que nun se sabe cuando de seguru que tendrá otra erupción.

Bono baxu pa La Rambleta,onde paro a xintar y beber,y como ye tempranu,voi dir fasta'l Mirador de Pico Viejo,otro volcan que ta'l llau

Al pocu se pasa per una zuna d'afloramientos de fumaroles y azufre.

Una vista pal Teide y doime cuenta que ye la misma pela que cole cuando diba pa la cume

Ya llego al mirador y apaez el crater enorme del Pico Viejo,cuy última erupción foi en 1798,que duro tres meses,y abrieronse una estaya de boques,les nomaes "Narices del Teide". Al fondo la isla de La Gomera

Y equi diba por dar por finitu la escursión de güei,anque fora tempranu,peru atopé con un par de montañeros,que taben nel mesmu casu que yo,los nenos y la muyer ena playa,y ellos equí,solu que xubieron al Teide pol telefericu,y como elos diben dir al Pico Viejo,nos aconceyamos y xuntos nos fuimos p'allá,garando el senderín que dende'l mirador cola d'él.

El senderin cola pente la llava,andiase bien,pero hai que tar al güeyu pa nun perdelu,pues hai cachos onde nun hai camin,lueu baxa onde el camin ye perbono y namai ye dir al crater

ya colamos del la llava,el camin ya ye mas afayaizu

Y ya solu ye xubir fasta'el crater (3134 m),onde s'abre esa inmensidad de 800 m de diametru y mas de 200 de profundidá.¡una maraviella1,elli nos quedamos curiando,y esfrutando d'él,y los tres tamos d'alcuerdu,ya mas prestosu e increyible'l Pico Viejo,qu'el Teide,esti 'ltimu tien la fama,y l'altor,pero la belleza del Pico Viejo es asgaya más.

Bono ya solu nos queda dar la vuelta fasta La Rambleta a pillar el telefericu y baxar,y lu pior del tou'l día,xubir los mas de 600 m de desnivel que nos queden,asina que selemente vamos xubiendo,y a cruciar la llava.

el Teide vixilando la nuesa xubida

Y ya atopamos el mirador,paradina a aselar y xintar daque,y lacuriada de despida'l Pico Viejo,emarcau peles isles de La Gomera y La Palma.Si teo que elexir una cume dende llueu,elixo'l Pico Viejo, esi ye'l verdaderu volcan del P. Nacional

Ya solu baxar el telefericu,y andiar los 2 kilometros y pocu qu'hai fasta'l aparcamientu de Montaña Blanca,se me fai llargu y pesau,pues les piernes van cansaes,dempues de la fartura de kms y desnivel acumulau nel día de güei. (mas de 2200 m),asina que cuando garre'l coche, taba frayau, machacau.Pal hotel y a dir a la gueta de los nenos y la muyer al parque acuaticu.¡vaya día masperguapu y prestosu de montaña.

ROQUES DE GARCIA (P.N DE LAS CAÑADAS DEL TEIDE).(14-8-10)

2010-09-21T23:06:00.001+02:00

Dempues de tar unos dìes en La Mancha,nos vamos otra vez, esta vegada a apsar cincu díes per Tenerife,cuando aportamos elli,pillamos la ola callor que fizo a mediaos d'agostu,con temperatures cercanes a los 40ºC,menos mal que pel parque nacional y estes altures,nun facia'l callor que pela costa,aun asina,callor pasamos,el plan de güei yera xubir la muyer y los nenos nel telefericu,y yo a pata,pero esi día facia n'airón con abondu rixu,asi que'l telefericu,pesllau. Nos averamos entos fasta'l parador,y elli,n'una casetina d'información nos recomendaron facer la ruta de Roques de Garcia,que colaba dende elli mesmu,mui afayaiza d'andiar,y colando por requexos perprestosos.Asina que dexamos el coche elli mesmu y nos averamos al mirador que tal llau'l Roque Cinchado.

L'orixen de Las Cañadas ye ún de los temes mas controvertios del vulcanismu canariu.La hipotesis mmas verosimil ye la teoría del argayamientu,que plantega que fai unos 180.000 años,una acumulación de materiales desestabilizó les lladeres del complexu volcanicu (d'unos 6.000 m d'altor),argayando y cayendo'l mar,faciendo la gran depresión en forma de ferraura,que formen agora Las Cañadas del teide y el valle de Icod-La Guancha.Pero voi dexando pa mas alantre la xeoloxia del teide y nos averamos al Roque Cinchado,onde tal vez tea'l mirador mas visitau d'España,dando la semeye mas popular del parque nacional,y que dalgunos aun alcordamonos de los billetes de les antigues 1000 pesetes

Dende esi momentu,la intensa actividá volcanica relleno esta cavida,dando llugar l'estratuvolcán del Teide. Las Cañadas y el tueru l'anguañu y primixeniu volcán,per onde llueu colaremos y xubiremos fasta esti mirador

Asina que dempues garramos la sienda perfeutamente marcada y entamamos a empobinar a la base'l Teide y les caberes colaes volcaniques,fai ambute callor y equí tamos abeyugaos del vientu. Nel centru de Las Cañadas,como una torre una catedral gótica ta'l complexu volcanicu Teide-Pico Viejo,estratuvolcán formau nel Pleistocenu pela acumulación de materiales,dementres sucesives erupciones y que ta güei activu entovia,fechu confirmau pela alta activida de les fumaroles nel crater sumital.El Teide fina n'un conu de color claru,cuyo crater tien 80 m de diametru,con una altura másima de 3.717,98 m,lu que lu fai nel cumal d'España y de todos los archipielos atlanticos

Un curiadina pa tras pa ver per onde vinimos con el Alto de Guajara pesllando'l valle

La sienda como ya dixe ta perbienmarcada y cada pocu hai h.itos y cartelos lu que ye cuasi imposible perdese,de camín podemos curiar los distintos tipos de llava,que nos enseñen les distentes dómines xeoloxiques de les estremaes erupciones,de la que ye mas reciente ye la de color mas prietu,y qu'el camín empobinanos facia ella

El camin v'averandonos facia la base'l Tiede,y cada vez se ve meyor los estremaos colores de la llava.ee telefericu ,que güei ta pesllau pol vientu.

el camín xube selequinamente,y ye mui facil d'andiar,la vexetación predominante ye la retama,qu'agora col estíu ta un poco seco,pero da-y al paisaxe esi pincelín de color verdi,riba a la izquierda ta'l volcán del Pico Viejo,donde dende equí un cartelín marca una sienda que xube fasta él,pero nosotros vamos dexalu y siguimos pela P.N-3

Y ya llegamos al final de la ultimacollada de llava de la erupción ena Eda Media, una erupción que duro varies decades,que s'espulsaron les llaves prietes que se ven agora,y que-y dieron-y'l so altor actual

Ya dende qquí toca baxar a Las Cañadas,ell camín vese perfeutamente,asina fasta onde llego la colada de llava prieta.

Entamamos a baxar y a la nuesa izquierda nos queden los Roques de Garcia,que pel otru llau los memos foi per onde vinimos andiando.

per esta zuna'l camín vemos en forma les distintes fases de les arupciones del Teide,de les mas modernes a les mas anguañes.

que s'estremen pel collor,les mas clares son les mas angüeñes,y les mas prites les mas modernes,equí podemos la potencia de la llava ena ultima erupción,¡formidable!

Siguimos baxando,y ya vemos,La catedral,onde taba'l primitivu crater del Teide cuando formose la isla, y cuando fai 180.000 años tubo llugar el colapsu y deslizamientu'l mar d'una gran masa de tierra que formo Las Cañadas de Teide

Un'endemismu del parque nacional,la sabina canaria,foi l'unicu arbol que s'alcuentr nel camín,equi atopamos con una parexa y un guía'l parque, y nos xuntamos a elos p'atender a la desplicación sobre la flora'l parque(si vais,puede pedise un guía,ye gratuitu,y te lleva per esta ruta,despllicando la xeoloxia,flora y fauna,la pena ye que nun lu sabiamos,porque tienen unes hores determinaes),asina les especies mas representatives son doa arbustos,la retama'l Teide y el codeso.

Ya tamos al llau La Catedral,esi tueru basalticu,ye impresionante; equí hai que dir con cuidadin,pues xustu enantes topalu,el camín dixebrase en dos,y ahi que dir pela izquierda,pues el de la drecha alloñante,y va a la carretera,pero ta bien indicau,los dos.asina que garramos el de la izquierda

Y ya tamos en La Catedral,basaltu puru

a patir d'equí ya solu nos toca xubir fasta'l mirador del Roque Cinchado,que curiamos desde abaxu

Que dende equi baxu tien una forma diferente,ypuede curiase los estratos de les diferentes coladas de llava,los collores nos indiquen la cantida de basalto o silice que tuvu la lava,a mas basaltu,mas prietu y mas espesa,a mas claror,mas liquida y mas silice

Ya entamamos a xubir y curiamos per onde baxamos,llinadando a les colaes de llava

sigun xubimos,apaez ne nuevu tres los Roques de García el Teide

El camín llega a un collain,onde les vistes a Las Cañadas son perguapes

la vista'l Teide y los Roques de Garcia son maravieloses,asina que bien merez la pena la semeya familiar

Siguimos xubiendo y ya cuasi riba,Las Cañadas,aparecen afalagadores,y curiase perfeutamente 'l rellenu y final de la ultima colada llava

Ya llegamos arriba,y nos fuimod fasta 'l Pador Nacional,a tomar una cervecina.a al vuelta nos fuimos al valle de La Orotava,y baxando paramos a ver la rosa de piedra,una formación xeoloxica perestraña.

Onde hai una maravielosa vista del teide y la corona forestal que lu arropia.

baxamos a xintar a La Orotava,onde visitamos la villa,pa llueu finar nel hotel a la hora la cena. Mañana queremos tornar al Teide,pero eso queda pa la siguiente.

LA MOGORRITA (1866 m). ( Sierra de Valdeminguete;cumal de Cuenca). 10-8-10

2010-09-12T21:52:00.001+02:00

Dempues de tar en Madeira,nos fuimos a pasar unos díes al pueblu la muyer,San Clemente de La Mancha,y ya que tabamos per elli,avereme a Los Montes Universales,nel Sistema Ibericu,a xubir a La Mogorrita,el cumal de la provincia de Cuenca y de los Montes Universales,mui cerque de los nacimientos del los rios Tajo,Cuervo y Cabriel.Asina qu'alborecí mui ceu,pues quería tar en casa a la hora la xinta. asina qu'a esu les 8:30 aporto al Alto del Cubillo,ena llinde de Cuenca y Teruel,que se llega pela carretera que de les cercanies de Tragacete va a Teruel;que llegando l'altu y baxando a la man drecha alcuentrase una casa,anguañu agospiu de cazadores,nun hai perdida pues ye la única casa que hai ena carretera,elli dexo´l coche y coyo la pista que xusto nel otru llau la carretera cola. Un pocu mas allantre ahi un cartelu que nos diz que tamos ena Cañada Real de Los Chorros,cañada pela que xubien dende tierres valencianes los rebaños d'oveyes a pasar el branu,a la gueta de meyores pastos

Pues xustu alcuentrome con un pastor,y entamamos a falar,y resulta que ye tal vez el caberu trasumante que xube entovia dende Utiel,a la xerra a pasar el branu. sigo camín pela bona pista y ya curiase La Mogorrita,,asomando pelos pinos,y ye que Cuenca tien tal vez la mayor estensión forestal de pinar de la Península Iberica,y cuasi todos los pinares tan abondo cuidaos.

La pista fina xustu al ñiciu d'un cortafueos,que ye una anguaña pista d'esquiar,y que guei cuando hai ñeve (como esti añu) la xente xube a pasar un día per equi,y ye'l camín mas direutu y curtiu pa facer la cume

Pero yo voi tirar per otru llau,pa llueu baxar per aquí,un camín abondo mas prestosu y melgueru,que dende'l fin la pista va pela drecha pa colar pente'l pinar,que ta perguapu,cola lluvia de la nuechi pasada

El monte ta verdi,como facia tiempu que nun se veia per estos llares,y ye que la lluvia d'estos dies pasaos dio-y un rixu abondo.El camín sigue fasta una pequeñina praera,onde me colen tres venaes.

Hai una pista a unos 50 m. paralela'l camín,pero lo mas prestosu ye no pillala y siguir pel camín,que cola entre pinos que paecen les torres de les catedrales gótiques,como una amestadura ente la tierra y el cielu

El camin fina nun crucie de caminos,ye onde dixebranse dos espacios naturales protexios de Castilla-La Mancha,pal norte,El Alto Tajo,y pal Sur la Sierra de Cuenca,y ye que La Mogorrita ye'l h.itu que los xune. Equi hai que coyer una pista que a man izquierda xube.

Dende esti punto ye cuando l'andiar ponse pindiu,pues fasta agora yera un selequin caminar cuasi llanu y picando pa baxu.enates llegar a la cume ,colo per otra prestosa prederina qu'asoleya pente'l pinar

Sigo xubiendo fasta onde ternima el pinar y la pista sigue pala drecha;equi l'abandono y xubo pa riba,drecgu per una camín qu'al pocu puedo curiar la cume,onde la caseta y torre de vixilancia forestal de la Junta de Castilla-La Mancha.

Faigo cume (1866 m) el cumal de Cuenca y Los Montes Universales,¡por fin!,dempues de tantos intentos de venir,ya toi equí.Pal sur,asomen les sierres de Valdeminguete, La Zafrilla,y Valdemeca,en frente de mi El Montón de Tierra (1846 m).y un pinar inmensu.

Pal sur este la prestosa Sierra de Cuenca,cola subsierres de Tragacete,de Las Majadas.,de La Madera,y a lo lloñe,ena llinea nel horizonte la llanura manchega

Pal norte,la continuación de la Sierra de valdeminguete,de Molina y Tremedal.que mas al norte coles Parameras de Molina ya'n tierres de Guadalajara) fain la meta sur del Sistema Ibericu,y sobre toes elle La Muela de San Felipe (1840 m),ya nel Alto Tajo,que quedará pal añu que vien.

Bono voi dir a pela mochila y el bastón,pues toca ya baxar.

Voi baxar pel cortafueos,que baxa direutamente a la pista que me tornará al coche,colo xunto anguañes trincheres de la Guerra Civil

ya solu ye baxar per un camín que baxa paralelu a la drecha'l cortafueos onde pueden curiase dalgunos h.itos

Ya toi ena pista y alcuentrome otra vez col pastor,y damos-y un ratu a la parpayuela,con dalgún tragu la bota vinu.Ya me despido d'él,con abonda información de caminos y pìstes p'amdiar per este xerres,qu'apunto y voi guardar,pa cuando baxemos a La Mancha patear abondo la xerranía de Cuenca,y xubir a los ambutes cumales que tien,y asina conocer esta maraviellosa xerra,tan distinata a Asturies,pero tan fermosa. Una ultima mirada a la Mogorrita,pues el coche tal llau

¡Hasta prontu!,pues este xerres tienene prendau,y agora ende que tuve equí,ya toi naguando por tornar.

MADEIRA (3ª parte). CABO SÃO LOURENÇO

2010-09-10T22:42:00.000+02:00

Tercer día,y tercera escursión. esta vez vamos averanos al Parque natural del Cabo São Larenço,la fastera mas arida de la isla nel requexu oriental caniçal,y onde'l verdor del resto la isla esmolez baxo los collores marrones volcanicos.Pero d'una belleza d'impresión.Asina que dempues de desayunar noz averamos a Caniçal, y d'alli,al mirador,onde facdremos la primera parada.

Les vistes del cabu son alloriantes,los collares de les distintes erupciones y tipos de llava son presentes,dando-y un collor al pasixae únicu,y amás curiase cuasi dafechu la costa norte,y a la izquierda riba'l tou puede vese'l picu Ruvio.

como puede vese ye una zona mui arida,anque n'iviernu ta de verdor a reventar,la flora dominante ye l'espartu,qu'aun recoyen güei a man pa facer abondos utensilios.

la entrada'l cabu,que mas paez una peninsula,onde solu esa estrechura la xune a la isla,a la izquierda ta'l prencipal puertu de Madeira,Caniçal,zona franca,onde aporten cuasi todo lo que necesita la isla,dende'l combustible,alimentos,...

Dende equí coyemos el coche pa dir a facer la ruta de la peninsula de São Lorenço,qu'escomencipia dende la Baia d'Abra.Equi'l camin baxa fasta una pasarela de maera,onde llanea y atopamos con unes increyibles vistes de la peninsula.

dende equi'l camin entama a xubir abriendose la mirada sobre los cercanos acantilaos

El camín sigue xubiendo,pa colar per una zuna un pocu aerea,onde hai una valla pa ropiellar la sienda , y dar a un 2º mirador,onde tal vez tean les vistes mas prestoses y maravieloses de la ruta,onde los acantilaos muestranse inespunabbles,pero perfermosos.

Vaya paisaxe,increyible,una maraviella

La ruta sigue fasta la Casa do Sardinha y Pico do Furado,pero nosotros vamos finar equí,fai ambute callor,y los nenos ya tan refarfiendo abondo,pues quieren dir a la playa,asina que tornamos y nos fuimos a machico,onde hai una playa de sable artificial a bañanos y xintar elli,pa finar el día,mañana nos vamos a bucear a una reserva natural.

PICO RUIVO. (1862 m.). Cumal de Madeira

2010-09-08T18:47:00.002+02:00

2º día'n Madeira,dempues dún bon desayunu,vamos dispuestos a xubir a la montaña mas alta de la isla,y tercera de Portugal,el Pico Ruivo de 1862 m. pa ello tenemos que dir al norte de la isla a la población de Santana y de elli garrar la carretera que nos xubira a l'Achada do Teixeira (1567 m),onde hai un cartelu que nos informa de la ruta.

Aun ye temprenu,pero fai una calor importante,asina que cargaos d'agua entamamos a andiar y dende abaxu vemos les primeres cuestesde la Lomba de Faigal

Namai llegar a la llomba,apaez el mar de ñubes que cuasi ye permanente ente los 1200 y 1500 m,tapeciendo la isla,anque baxu nos tenemos el barranco que dende el Ruivo baxa direutamente a Funchal; peo si dexanos curiar la Isla de Porto Santo que ye la 2ª isla que con otres menores,fain l'Archipielagu de Madeira.

Y el macizu volcanicu de Rubiu,a la izquierda vese una bola,que ye una estación metereoloxica y vixilancia area del exercitu de Portugal,llancada nel picu Areiru,el 2º mas altu la isla,dende elli fasta'l Ruvio va una ruta que crucia el macizu, d'una duración de cincu hores (ida) y,que requiere una exixenxia fisica importante.

Pal norte la isla los valles tan tapecios peles ñubes que tampocu nos dexen ver l'oceanu

El macizu de Ruvio,a medio altor puede ver la seinda que dende l'Areiru va a l'agospiu ena base'l picu Ruvio,les formaciones volcaniques son formidables

La sienda ye perbona d'andiar y muy afayaiza,va ganandose altor pocu a pocu,y a metá camín hai una bona fonte onde refrescase,que'n díes como güei d'abondo callor ye de lo mas melgueru. Ya'l fondu ta'l Ruvio y ena so base l'agospiu montañeru

Cuando llegamos al collau,el macizu de Ruvio apaez mas impresionante,como catredales feches pelos volcanes cortandu'l cielu.Amás puede vese perfeutamente la sienda que vien dende'l Areiro

Ya entamamos a xubir y llegamos l'agospiu; pa tres se ve la sienda pela que vinimos,y el mar de ñubes, y el pico Faigal

Dempues d'andiar cuasi una hora facemos cume,tamos a 1862 m. pa los nenos ye la cume mas alta que fain (por agora),equi riba cuerre'n pelín l'aire y nos alivia del tremendu callor que nos fizo toda la xubida. y el faigal apaez afalagador,invitandome a xubilu a la torna

Abaxu l'agospiu ente les ñubes

Abaxu la Ribeira de São Vicente,onde tuvimos ayer,visitando el parque vulcanoloxicu

el macizu de Ruvio

Baxamos l'agiospiu onde xintamos y tomamos una cerveza (que nun taba mui fría),pero polo menos tabamos a la solombra y fresquinos dientru,pa llueu tornar a Achada do teixeira,onde tenemos el coche,y onde el termometru nos indica 32 ºC.Baxamos a santana,onde tomamos algo mas frescu y pasamos el día conociendo la isla.

El picu Ariero,onde puede dir col coche,onde podemos ver el picu Ruvio

y el pueblu deCorral das Freiras,llancau nel mediu d'un anguañu crater volcanicu.

Y ya solu nos queda baxar a Funchal ,xustu antes de la cena, onde muertos de callor,nos fuimos a la piscina a danos un bon bañu,y aselar pa la ruta que mañana nos toca el Cabo São Laurenço

PARQUE VOLCANICU Y LEVADA DE "O RISCO".Agosto 2010

2010-09-07T00:02:00.002+02:00

Bono por fin llegaron les vacaciones,y con elles la naguada selmanina que vamos a pasar en Madeira. Ya ye'l 2º añu consecutivu que tornamos a Portugal y dempues d'esti añu,de seguru que nun sedrá l'ultimu pa tornar al nuesu vecín ya hermanu ibericu.Particularmente a nosotros nos presta asgaya dir allí,pues nos sentimos como'n casa.Pues al 31 de xunetu aterrizamos en Funchal,la capital alministrativa de Madeira, a esu'l mediudía , dempues d'un viaxe de cerque de dos hores dende Madri, nos aportan al hotel y entamamos a esfrutar d'esta maraviellosa isla

Asina que nun demoramos mas y baxamos andando al cascu hestoricu,pa visitar pela tarde la capital deMadeira,colando peles cais y parques enllenos en forma d'una vexetación esuberante y asgaya flores de mil tipos formes y collores

Asina colamos la tardi,visitando el cascu hestoricu,y los xardines tropicales,un lugar que quien vaya nun tien que perdese de conocer.Al día siguiente entamamos a conocer la isla,la 1ªparada ye'l cabo Girão,el 2º cabu mas altu'l mundu,cola so cayida llibre de mas de 589São Vicente m a pelu sobre'l mar.

abaxu podemos curiar una de la cala que hai baxu,y que ye una de les poques que tien la isla

Dempues nos averamos al parque vulcanoloxicu de São Vicente

Son tubos llava resultau d'una erupción fai unos 400.000 años y descubiertos en 1885

Per dientru hai un ríu subterraneu que forma una gran llaguna

munches d'ellos comunican ente sí,y quien tenga ganes de dir por ellos un bon cachu,puede facelu,eso sí pa quien nun tea claustrofobia,y como non estos dos valiente que p'alla se metieron y tuvieron durante mas de 10 m esguilando y andiando pelos tubos volcanicos,y la verda que la esperiencia ye increyible.

Demoues de la xinta siguimos camin y nos averamos a les piscines naturales de Porto Moniz,onde nos dimos un bon bañu.

Cogemos el coche y nos dirijimos hacia Paul da Serra, vamos a hacer una de las levadas más bonitas, exóticas y diferentes de Madeira, la Levada Do Risco.Pa ello hai qu'averase al crucie de la pista que baxa'l caseriu de Rabaçal,pa dir alli se puede dir n'un microbus o baxar andando.Nosotros baxamos andando y llueu a la torna diremos nel microbus.

Metantes baxamos vamos viendo l'impresionante valle que baxa direutu'l mar,onde ta sitiada un bosque de lauresilva,reliquia del terciariu,y que solu alcontramos equi y en Canarias

Las Levadas son canales que tan fechos por toa la isla pa recoyer l'agua de les montañes y llevala a les teraces pala agricultura y llueu pa'l aprovechamiento hidraulicu;güei son tamien un importante recurso turisticu,pues ambutes tan adaptaes pal usu senderista,y per ella puede recorrese la isla'n forma colando per llugares y abeyugos increyible y d'una fermosura indescriptible.

Bono,pues dempùes d'un pasein d'una media hora,atopamos la cascada de "O Risco",una de les cayides d'agua mas impresionantes de la isla.

Queremos continuar mas alantre pero ye tardi y vamos un pelíon pillaos si queremos coyer el micro pa dir al coche,asina que tornamos per onde vinimos,y les vistes a la lauresilva son de los mas prestoses.

ya solu tornar pal hotel a cenar y aselar que mañana fadremos otra escursión bien prestosa,vamos xubir al picu mas altu de Madeira.

RUTA D'A SEIMEIRA (Santalla d'Ozcos)-25-7-10

2010-09-03T16:18:00.000+02:00

Dempues de desayunar,nos averamos a Pumares,al llau de Santalla,a facer la que seya la ruta mas afamada de la comarca de Os Ozcos A Seimeira,;la mañan ta ya con calor y el sol tien ya rixu( ya esu que son les 11:00 la mañán),pero la ruta va siempre colando pente una biesca de ribera,colo que diremos fresquinos de seguro. La ruta escomencipia nel area recreativa de Pumares.

Xustu nel area recreativa ta la indicación de la ruta la P.R-AS-116

Cruzamos la carretera y vamos paralelos al ríu Agüeira fasta'l pueblín de Pumares,pueblu con una anguaña tradición ferreira,onde tovia puede curiase los restos del vieyu mazu.

dende'l pueblu,y per una camín pefeutamente siñalizau,col ríu a la nuesa izquierda,vamos metiendonos nuna biesca de rivera perguapa,amestaoa con carbayos y castañales,dando l'andiar un frescor que nos dixebra'l del callor que fai a la solana

La mayor parte'l camín ta arropiau per muries afalagaes de mofu

al terminar esti cachu'l camín,nos baxa un pocu pa llueu entamar a ponense un pocu pindiu,peru que l'abeyugu'l bosque faise perbien,fasta topar cola aldega abondonada d'Ancadeira,onde aun podemos ver les cases y les teraces de cultivu perfeutamente.

Tamos agora nel Valle'l Desterrado",que nun cartelu nos informa del porqué del so nome

Ya solu siguir fasta atopar un crucie,siguimos de frente fasta aportar a la A Seimeira,de unos 30 m de caida,llancada nun llugar maxicu

la cascada es ¡una pasada, una maraviella!,que vien tase equí fresquinos,asina que vamos a esfrutar d'esti llugar abondo

Y como non,enes nueses salides,el bañu de vezu que nos damos,que prestonos asgaya,amás l'agua nun taba mui acutada.

Dende la entrada a la Seimeira hai'n senderin qu'esguila pel monte a un pequeñu balcón onde podemos ver esta la cayida prencipal de la cascada.

Ya solu nos queda tornar per onde vinimos a l'arera recreativa de Pumares,col gusto dientru de nos y el frescor ena piel del bañu,decimos fasta llueu,porque de seguru que tornaremos por aquí a danos otru bon bañu y esfrutar d'esta espetacular seimeira.

SEMEIRA DE MORLONGO Y ECOMUSEO DEL PAN (Vilanova d'Ozcos) -(24-7-10)

2010-09-02T20:01:00.000+02:00

Esti fin de selmana nos averamos a Os Ozcos,teniamos abondes ganes de dir per elli,pues ya conocemos Taramundi y Grandas y solu nos quedaba esta comarca por dir,asina que p'alli nos fuimos la familia.Colamos ceu,pues enantes queriamos dir a la praia das Catredais,pues la baxamar yera a eso les 11:00 la mañán y ye la única forma de conocela perbien y esfrutar de los sos contrafuertes rocosos en forma.

Ente ellos los carcos d'agua yeren abondos,faciendo unes piscines perbones pa bañase,como ràpido dieronde cuenta los nenos

Dempues de danos un bon bañu,xintamos elli mesmu,y garramos el coche pa dir a Vilanova d'Ozcos,onde llegamos a eso les cuatru,y elli ena oficina turismu,nos apuntamos a la visita guiada al Monasteriu e Ilesia de santa Maria de Vilanova,pero faltaba una hora y picu pa ella,polo que la moza la ofocina indiconos una cascadina perguapa que hai cerque de Morlongo,y que nos daría tiempu de vela pa llueu volver y ver el Monasteriu,y p'alla fuimos

Namai colar el cruce Morlongo,hay a la izquierda una llanada'l llau la carretera (ye la unica qu'hai,nun tien perdida),onde dexamos el coche a la fresca la solombra,y elli mesmu cola una siendina que baxa al ríu Vilanova,y que pente'n prestosu bosque rivera,nos aporta a la semeira

Nun ye mui alta peru'l llugar ye una prestosada y la semeira da-y esi toque máxicu que respira'l sitiu,y claro como dibamos perbien de tiempu dionos a danos un bon bañu,y aquí l'agua taba peracutada,lu que nos vino de perles pa refrescanos,pues la tarde ta siendo percallurosa.

Ya fresquinos tornamos a Vilanova onde vimos la Ilseia de Santa María,pues el Monasteriu cisterciense ta n'estau ruinosu y puede curiase llibremente,onde nos muestra l'esplendor que tuvu años anguaños,onde competía'n poder ya enfluencia col de Balmonte de Miranda.

Dempues nos averamos a visitar el Ecomuseo del Pan sitiau mui crque nel pueblu de santa Eufimia,onde fai un par de branos tuvu ZP,pasando unes díes de vacaciones.

Equi podemos curiar,.,horros,eiras,forno,plantaciones de cebada,trigu ya escanda,toa una curiada a la cultura del ceral que n'Ozcos,tuvu muncha importancia,tala,que yera la prencepal zuna de siembra de cereal d'Asturies

Dementres enseñabanos les plantaciones de cebada,trigo y escanda,a los nenos ficiero-yos una flauta de caña y puedo decivos que sentiase perbien. La paya'l cereal,guardabase n'eses vares,d'onde llueu sacabanla pa ambutes coses,(pal ganau,teyer,..)

Otru pasu obligau de ecomuseu ye facer la molienda,asina que llevonos al molín y elli los nenos molieron trigu y cebada

dende'l molin vese la casa onde tuvu ZP de vacaciones,una prestosada,y elli cuntaronnos ambutes cosa de la estacia del nuesu presidente,como que desayunaba toos los díes ena terraza,que pescaba,....en fin cosa bien curioses.

El molín ta'n plenu rendimientu pes la familia que lleva l'ecomuseu,tien que moler cuasi toos ,los dies pues tien asgaya encargos de toa Asturies,de Madrí,..d'empanaes,bollos preñaos,....

y,¿qué vamos facewr cola farina?,pues a la masera a facer pan,onde prendemos el forno de lleña

Pues a masar la farina y facer unos bollos preñaos

Ya metelos dientru'l fornu cola pala

Y dempues de 20 m. ya tenemos el resultau,y ¡a xintalos!, ¡madre mía que bonos tanos dir

Ya ye tardi asina que vamos dir pal albergue deLa Veiga'l Carro,onde dannos perbien de cenar y dormimos prestosamente. Mañana a Santaya d'Ozcos pa facer la ruta de A Semeira.Que vos cuntaré llueu.

ISLAS CIES (17-7-10)

2010-09-01T15:51:00.002+02:00

Otru añu mas que nos averamos a Galicia,pues cuasi todos los años ,vamos fasta Noya a ver al miu hermanu,que vive elli,pero esta vez vamos dir primeru a la Islas Cies,que ya fai abondos años que queremos dir,y dende casa nos fuimos fasta Vigo onde coyer el barcu que nos averará fasta l'Archipielagu de Cies.Asina que garramos el barcu de les 12:30.

L'Archipielagu de Cies,ta dientru'l Parque Nacional Maritimu Terrestre de Las Islas Atlanticas de Galicia,declarau nel 2002,y ta compuestu pelos archipielagos de Cies,Ons,Sálvora y Cortegada,y les sos aguas d'alriedor.Cies ta frente a la ría de Vigo.

Dempues de cuasi 1 hora de viaxe,tamos aportando a la Illa de Monteagudo ou do Norte,y curiamos ya les playes, cola so sablera blanca increyible

L'embarcaderu ta n'una esquina de la praia das Rodas.

Ya ye cuasi la hora la xinta,asina qu'enantes entamemos a andiar pela isla,vamos a da-yos a los bocates,pero paez que non somos los únicos que tenemos fame.

Asina que ya fartucos,y dempues d'un prestosu café con xelu pa papá y mamá,y unos xelaos pa ,los nenos,vamos a entamar a andiar,vamos facer la Ruta del "Alto do Principe" y la de "Monteagudo,que recuerren la zuna norte,o la Illa do Monteagudo ou do Norte.Pa ello colamos dende la praia das Rodas,considerada como la meyor d'Europa.,tres ta'l O Lago que dixebra la isla en dos,la norte y la Illa do Medio ou do Faro.

Vamos primeru fasta Monteagudo,y la sienda cola pente un pinar con unes curiaes a la ría de Vigo perprestoses

Pasamos por riba abondes cales maravielloses,que dan la idega que tas nel caribe,esa sablera blanca,el mar azul,y el día que fai güei,dicen que ye asina,pero non tamos en Galicia.Baxu dexamos la praia das Figueiras

La sienda al final fina nel Faro do Peito ou Monteagudo,onde taba pigazandu esti llagartu ocelau

Xubimos dende'l faru al Monte Agudo (182 m),onde hai un mirador,y pal norte la Punta Escoledo

Dende equi hai una sienda que va amestase mas allantrón cola Ruta del "Alto do Principe",que tamien cola pente pinar,y dende equí ta tal vez la vista mas prestosa de la isla,tamos a 111 m

Dende equí acuriamos la Illa Do Medio ou Faro,col faro de Cies ,al fondo la Illa do sur ou San Martiño,abaxo O Lago y la praia das Rodas.y la Enseada do Lago

La Ría de Vigo.Praiadas Rodas,,Duna de Muxieiro y O Lago

Ya baxamos pa la playa,pero enantes pela caretera nos averamos a La dunba de Muixiero y a O Lago pa velos de cerque

Ya solu nos queda esperar a coyer el barcu pa tornar a Vigo,y nada meyor que danos un bon bañu n'esta playa tan maraviellosa,y l'agua taba perbona,mas caliente que'n Salinas,paez mentira pero si taba mas caliente

Mas tardi garramos el barcu el que nos dexará'n Vigo,dexamos Cies con pena y con ganes de tornar pa conocer el resto del Parque Nacional,que seguru tornaremos l'aú que vien.

RUTA DE LES BRAÑES AYERANES (21-7-10)

2010-09-01T00:12:00.000+02:00

Otra vez que tornamos a tierres ayeranes,la idega esta vez ye xubir al Retriñón,y facer una circular dende Felel.losa pela P.R de les Brañes Ayeranes,pero lu primeru quedo n'intentu pues el tiempu nun nos dexo xubilu,peru nun impidio que fuicieramos la P.R colando per lugares perguapos del conceyu d'Ayer,pente foces,brañes y fayeos que col día que tuvimos yera de lomas afayaizu pa que cualquier ser mitiloxicu astur nos debola en cualquier requexu' la ruta.

Aparcamos al llau la ermita de la Virxen de l'Antigua,patrona de Felel.losa,y l'orpín y la lluvia entama a cayer y que ya sedrá la nuesa collacia inseparable metantes la ruta

Pues nada cola esperanza de que nos dexe xubir al Retiñón,entamanos a andiar,y vamos a la gueta del valle de Fresneu,per onde xubiremos

La pedrera xube,con ríu del mesmu nome a la izquierda de nos,la vexetación ye xabaz y esuberante,llastima d'orbayu,asina que paragües en man vamos selemente p'alantre

El camín sigue fasta alcontrar una ceneyada,tiramos de frente fasta alcontrar ceu otru crucie, cruzando'l riu, onde'l camín va tayau ena roca

La braña de Casa Cuentu

La pedrera sigue pa riba,esti ye l'anguañu camín que xunia Felel.losa col pueblu casin de Caleau,y que metese pela Foz de Fresneu

la foz ye piquiñina,pero bien prestosa,amás la pedrera ta perguapa p'andiar (solu con un puquiñín de cuidau pa non esbalar),y ya riba vemos que la bullina ta llancada dafechu,¿dexaranos xubir al Retriñón?

Dexamos tres de nos la Foz de Freneu,pa dar a Vega Valencia

vamos dir a la braña La valencia pa dir a xintar daqué cosa,aselar y aconceyanos toos.,metantes vamos falando que güei tal y como ta'l día va ser imposible xubir al Retriñón

Aportamos a La Colla Valencia, y dempués de falalu,decidimos nun xubir al Retriñón,y siguir pela P.R de les Brañes Ayeranes,ya fará otru día mas afayaizu pa xubilu.,asina que garraros la vega que baxa selementa fasta L'Oteru

La bullinata llancada en forma y mal penes dexanos curiar el paisax,anque tamien tien n'encantu especial;enantes topar cola braña de L'Oteru curiase un pelin mas baxu la de La Mornera

Y al pocu colamos pela del L'Oteru

la siguiente Les Ordaliegues

la prosima qu'atopamos ye la de La Tabierna

Dende equí el camín baxa dafechu pel un felechal,a la guet mas baxu d'un fayeu al llau de la Braña de el L.lanón

El caminar pente esti fayeu ye metese en forma nun llugar máxicu,mitoloxicu,onde nun ye raru que'n daqué requexu uo abeyugu vive el busgosu,que tará curiandonos,o nuna cueva one tien el llar una xana,n'estos bosques,aun un respira'l tueru de la vieya relixión de los ástures.

El camín baxa fasta'l valle y ya tenemos ehi'l llau Cueves d'Ayer

El camín va'agora'l lau la caretera a Felel.losa, y cola'l llau la Fonte Les Moyés,onde mana l'arroyu d'agua mineral y mas baxu embotella la corpòración alimenticia Peña Santa,col nome de Agua de Cuevas.

Ya solu queda garrar la pista del Camín Real a Felel.losa pa tornar a los coches.

Un pocu moyaos,llegamos,el Retrñón quedará pa otra vez,pero esta Ruta de Les Brañes Ayeranes ye de lo mas prestosa,y pa quien nun la conoza,vos la recomiendo en forma.

L.LAGOS DE SALIENCIA (1--7-2010)

2010-08-22T23:01:00.000+02:00

Bono,que se puede dicir de los L.lagos de Somiedo o de Saliencia,una de les rutes mas visitaes d'Asturies,pela belleza'l llugar,lu afayaizu de so andiar, y agora cola pista asfaltada fasta La Farrapona,fain d'ellos un pasein de lo mas prestosu. La muyer ya tinia ganes de dir,pues lu intentamos nel 2005 peru el mal tiempu solo nos dexó aportar fasta 'l L.lagu La Cueva,amás taba en casa la moi xenra, y parecionos per bien llevala fasta elli y que conociera estos l.lares somedanos.

Aportamos a media mañán a La Farrapona,,y dende elli ye coyer la pista que baxa al primer llagu;la verdá ye que agora asfaltada,fai munchu meyor la comunicación,solu falata que la diputación de Leon,asfalte'l cavhu que queda fasta Turrestiu,y entos el so averamienta sedrá meyor dende Ventana. El Val.le de sSliencia ye un val.le glacial en forma.los l.lagos sedríen los circos glaciares dende onde baxaba'l glacial.

La pista baxa fasta'l primer l.lagu,La Cueva,el 2º mas grande d'Asturies

Pronto alcontramos cola anguaña esplotación minera de fierru que taba elli,y que tuvu sacando material fasta la decada los 50 del anteruior sieglu,curiando les angueñes canteres,y conduciones d'agua pal aprovechamientu mineru y d'agua potable palos mineros.Esta esplotación taba abierta dende mas o menos abril/mayu a Ochobre,metantes la ñeve permitiera la salida de los camiones col mineral en direución a Turrestiu y llueu pol puertu Ventana a ENSIDESA n'Avilés o Xixòn

La pista agora entama un fuerte repechu,peru que nun tien problemes,asina solu tomalu con sele y xubir,anque el callor entama a dar con rixu,y andiar ya faise duru,peru a pesar d'esu algunos anden coyendo senderos p'atayar,ensin importar lu pindiu que tea

Dempues del repechu pindiu,alcontramos el 2º l.lagu ,el de La Mina o Almagrera,el mas piquiñín de todos y dende'l que se coyía l'agua pala mina.riba'l picu Calabazosa.

Los Picos Albos (otres cumes pendientes de xubir)

La pista nos aopota a la Viega de Cerveriz Veiga Fresnieu,que siguiendo'l camín nos llevara a Ca Mayor y llueu al L.lagu'l Val.le,pero nosotros güei solo vamos tar per equí curiar todos los La.lagos de Saliencia,a la izquierda El Corralón

Y ya damos col terceru,el L.lagu Cerveriz,col anfieatru de Los Albos,pesllando este maraviellosu llugar

Al L.lagu Calabazosa o Negru,solu ye'n suspiru aportar a él.estri ye'l l.lagu mas profundu d'Asturies.Al fondu el picu Calabazosa.Ya dende eqi solu tornar pelos nuesos pasos a La farrapona,metantes un sol y callor con rixu fain duru andiar,meos mal que llevamos agua abondo y hai una bona fonte enates La Farrapona.

asina que facer mas melgueru tornar al coche voi cuntando a los nenos l'argummentu del llibru El Tesoro de los Lagos de Somiedo,de Rosso de Luna, un teosofu,misticu,... del sieglu XIX,que fai una espedición espterica-mística a la gueta'l tesoru qyue dicien que taba enos l.lagos de Saliencia,y que dempues de viaxar per toa Asturies,equí atopa el famosu teseru dientru una cova,qu'aparte del oru,y ayalgues,lo mas importante foi la bibliteca teosofica y mistica mas importante'l mundu. Yo ya lo llei abondos años y relleinun fai abondo y la verdá ye un llibru permelgueru y afayaizu de ller,onde apaecen tragus ,xanes, nun sei que rellaciones ente Asturies y Exiptu,la India,... en fin un pocu enfilau taba cuandi lu escribiu. Vos lo recomiendo de lleer.

XERRA DE CORTEGUERON (8-7-10)

2010-07-29T09:46:00.000+02:00

Cuasi a la selmana,tornamos a siguir faciendo cumes por San Isidru y averanos al Cortieguerón ya dientru'l conceyu Casu. Anque esta vez el ñiciu y final sedrá la Urbanización del Puertu de San Isidru.

Pa ello nos averamos a la Urbanización de San Isidru,pa garrar el valle de Valmartín,valle surcau pol arroyu'l LLagu o de Las Piedras.

La sendina pel llau izquierdu valle va averándonos fasta la braña que ta enfrente,siendo'l Valmartín la referencia a siguir,pues sedra´'l primer picu que vamos facer güei.El fondo el Valmartín,picu que da nome'l valle.

Ya tamos al llau y pa dir al Valmartín hai que colar per esa tayaura que tenemos en frente y salva'l pasu de roca

Pa tres queda'l picu Ausente,que de tantu velu estes selmanes,vio tener que xubilu pronto

Xubimos per la tayaura,abaxu queda'l Valle de valmartín y al fondo la Urbanización de San Isidru,dende equi podemos ver lo que levamos andiau.

Ya riba La Ventanona.

El Torres y La Carba Torres

Al final en vez de dir de frente pal picu L'arenal,vamos xubir otra vez al valmartín y asina siguir toa la cimera fasta'l Corteguerón.El valle las Piedras,dende equi una semeye ¡a per guapa pa ver per onde entamamos a andiar,siempre pela oriella drecha y la tayaura que colamos.San Isidru,Ausente,.. en fin una bona bayura de cumes llioneses.

Y facemos cume nel Valmartín (1932 m),y por 2ª vez,yo creo que ye'l picu que repitu mas apriesa en la mio vidanen una selmana dos veces.y como non,el Trigueru,pesllando la fastera sur de Peña Mayor,La Xamoca delantre y un mar de ñubes p'Asturies,y equí un día prestosu de sol y bona temperatura.

Los puertos casinos de Cotorgán,y pellando'l paisaxe l'Aramu per riba les ñubes

la ruta de fai una selmana, La Ventaona,y los fueyo, col Torres como gran siñor d'estes cumes. Lo que si pudimos comprobar ye que hai menos ñeveros y los que queden son piquiñinos.

Y pa onde vamos dir agora,la cresteria que hay primeru antoxana del picu Arenal,los picos Porru Blacu y Raya Fontaniella,pa siguir llueu a Entrepicos, y elli tira a tierres casines a la xerra de Corteguerón, a la drecha queda Collau Arenal, Los Fornos y la Peña'l Vientu,que qedarán pa otra ocasión. Al fondo Torre Santa dexa curiase pente la bullina

Los valles del Caudal y Ayer tapecios peles ñubes,col L'Aramu ,Monsacru y LLosorui per ribe d'él

Vamos siguir coles siguientes cumes,la siguiente ye 'l Picu L'Arenal (1885 m),pa ello baxamos a La Raya Valmartín (1822 m),xubiendo enantes al Porru Blancu (1867m)

facemos cume nel Arenal,el siguiente ta heui mesmu esperando ,Entrepicos,pero enantes hay que baxar a Raya la Bona ( 1745 m),el pical que tenemos en frente, Collau Arenal quedará a la drecha.

Abaxu la braña casina de Los Moyones

Cortogán, Valle Xuliu, Los Arrudos y Peña Rosques

Ena cume del Arenal,col Torres, Valmartín y al fondo Las Ubiñas

Pues vamos a Entrepicos,al fondo per riba'l Collau Arenal, Ten y Pileñes ¡vaya par de peñes!

y ahi ta'l principal finxu de güei la Xerra casina de Corteguerón,y e lpicu que da nome a la xerra que ye'l picu que ta mas o menos la metá la mesma.

La Veiga Los Fornos y la Pista Wamba, al fondo'l picu Ausente

Los Fornos y la peña'l Vientu

Facemos cume (1861 m). y namai mirar pa baxu'l miticu LLagu Ubales

Ubales,la viesca de Redes, el valles de la Trapa y al fondo'l Tiatordos

y pa l'ocidente,que vos dicir, un paisax de cumes alloriante,col Torres ehi mesmu, peru al fondo Las Ubiñas,aun con ñeve, el cordal de carroceru,per onde va la calzada romana de La Carisa y el monte Curriel.los,onde taben llancaos les muries defensives astures y los campamentos romanos,dementres les guerres cantabru-astures,que finaron la conquista romana de la Peninsula Iberica

Pero la mar de ñubes entama atener fame y quier xintar Asturies dafechu y pocu a pocu va averandose a nostros. ¿dexaranos facer todos los finxos de güei?

Y ¿pal oriente?,una vista bien prestosa, El Cornión con peñasanta, Los Urriles, Tiatordos,Maciedome, Ten, Pileñes,...¡vaya gociada!

Brañagañones,y riba'l Cantu l'Osu,Pileñes.Ten, maciedome,Picos d'Europa,colos Urrieles y Cornión, ¡una pasada!,vaya atalaya tan privilexiada.

Peru nun nos quedamos mas,pues entovia quedanos una bon cachu fasta'l CortiGueru y tornar a san Isidru y el mar de ñubes t'averandose.asina que ehi tenemos la Xerra de Cortigueru,baxamos primeru fasta'l picu que hai baxu .Los Negros (1801 m ), pa llueu dir al Collau Trave (1778 m9 y dend e elli xubir a la xerra y facerla pela toa so cumal,fasta'l picu Cortegerón.

Los Puertos de Cotorgan,dende'l Collau Trave

Ya tamos ena xerra y elli a lu lloñe ta la cume del Corteguerón

Y ehí tan les cumes que ficimos güei y fai una selmana,Los Fueyos, Torres,Ventaona, Valmartín ,Arenal y Entrepicos,y tamien el camín de torna que vamos facer a la Urbanización de San Isidru,baxar a las brañas y garrar el collau de raya La Bona,ente'l Valmartín y Arenal.

Xerra y Collau La Canalina

Collaá y Xerra de La Canalina

la fastera centru-oriental d'Asturies, baxu les ñubes

Elli xintamos y xustu acabente la mesma,entama a llover con rixu,menos mal que solu dura pocu y llueu escampla;asina que vamos tornar por ehi,baxamos fasta la braña de Los Moyones uy xubir fasta´l collain que ta riba pa llueumgarrar el valle siguiente que nos xubira fasta Raya La Bona y ya baxar pel valle de valmartin a la urbanización de San Isidru

Braña de Los Moyones

Xubimos al collain que ta riba y garramos el valle que xube a la nuesa izquierda que va a La Raya la Bueya,teniendo que exar a la drecha'l picu Arenal.

Los Puertos de Cotorgan y el ñiciu de Los Arrudos

de xubida nos alcontramos cola llagunina de L'Arenal.

Coamos pela Raya y ya tamos nel valle de Valmartín, de baxada a San Isidru

Ya solu nos queda baxar a la Urbanización,onde tenemos los coches.

Camudanos y tomar les clarines de vezu montañeru,demientres vamos pescanciando que día podemos quedar,pues tenemos turnos dixebraos y alcontrar un día común ye complicau. Peru quedamos y la siguiente sedrá el Retrillón.